fbpx
Fréttir

„Ég ákvað það í gær að henda inn handklæðinu“

Katrín skilaði umboðinu

Kristjón Kormákur Guðjónsson
Föstudaginn 25. nóvember 2016 10:55

Katrín Jakobsdóttir átti fund með Guðna Th. Jóhannessyni forseta Íslands nú í morgun. „Ég ákvað það í gær að henda inn hand­klæðinu,“ sagði Katrín. Í frétt Morgunblaðsins kemur fram að Katrín hafi ekki viljað tjá sig um næstu skref og staðan væri slík að nú þyrfti að hugsa hlutina upp á nýtt, og flokkarnir sjálfir að fara yfir sín mál.

Líkt og kom fram í DV í morgun hafna Píratar algjörlega samstarfi við Framsóknarflokkinn og því voru hugmyndir um að Katrín Jakobsdóttir geti haldið áfram tilraunum til myndunar fimm flokka stjórnar óraunhæfar

Katrín á því ekki nema einn leik í stöðunni, að ræða við Sjálfstæðisflokkinn. Innan þingflokks Vinstri grænna munu vera skiptar skoðanir um hvort yfirhöfuð sé gerlegt að hefja slíkt samtal. Í viðtali við DV sem birt er í dag greindi Katrín frá því að hún hefði rætt við Bjarna Benediktsson en gaf ekkert upp um hvað hefði farið þeim á milli.

Er einhver annar valkostur í stöðunni fyrir Vinstri græn annar en að ræða við Sjálfstæðisflokkinn um stjórnarmyndun?

„Það er nokkuð ljóst að svo er ekki, ef maður kann tölfræði.“

Telur þú þá ástæðu til að láta á það reyna?

„Ég bara hef ekki tekið neina afstöðu til þess. Það liggur fyrir að við reyndum okkar, þá leið sem við vildum fara. Það gekk ekki og við munum fara yfir stöðuna á þingflokksfundi í fyrramálið [í dag, föstudag]. Það er því engin niðurstaða sem liggur fyrir en það er ljóst að staðan er bara mjög þröng.“

Forseti mun ræða við fjölmiðla á Bessastöðum kl. 11:00.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

Sprunga í framrúðu vélar Icelandair á leið frá Orlando: „Þetta var ógnvekjandi – Flugmaðurinn var frábær í alvöru talað“

Sprunga í framrúðu vélar Icelandair á leið frá Orlando: „Þetta var ógnvekjandi – Flugmaðurinn var frábær í alvöru talað“
Fréttir
Fyrir 19 klukkutímum

Lögreglubíll ók utan í bíl við Bolöldu eftir eftirför

Lögreglubíll ók utan í bíl við Bolöldu eftir eftirför
Fréttir
Fyrir 2 dögum

Jólageitin er mætt fyrir framan IKEA

Jólageitin er mætt fyrir framan IKEA
Fréttir
Fyrir 2 dögum

Forseti Skáksambands Íslands ósáttur við að útitaflið sé horfið – „Enginn hefur borið þetta undir Skáksambandið“

Forseti Skáksambands Íslands ósáttur við að útitaflið sé horfið – „Enginn hefur borið þetta undir Skáksambandið“