George Lineker, sonur fyrrum knattspyrnumannsins og sparkspekingsins Gary Lineker, græddi á tá og fingri á því að veðja á úrslitaleik Heimsmeistaramótsins í Katar um síðustu helgi.
Argentína og Frakkland mættust í úrslitaleiknum, sem var ansi skemmtilegur. Staðan eftir venjulegan leiktíma var 2-2 og eftir framlengingu var hún 3-3. Argentína vann svo í vítaspyrnukeppni.
Það er óhætt að segja að Lineker hafi verið ansi nákvæmur í veðmáli sínu og með smáatriðin á hreinu. Hann setti 20 pund á það að eftirfarandi myndi gerast:
- Lionel Messi myndi skora í leiknum.
- Kylian Mbappe myndi skora í leiknum.
- Argentína myndi lyfta titlinum.
- Staðan yrði 2-2 eftir venjulegan leiktíma.
- Argentína myndi vinna í vítaspyrnukeppni.
- Fleira en eitt spjald færi á loft í leiknum.
- Yfir fimm hornspyrnur yrðu teknar í leiknum.
Öll þessi atriði rættust og breytti Lineker 20 pundum í 4276 pund, sem jafngildir um 740 þúsund íslenskum krónum.
If anyone deserves to win a bet, I think it’s me. Thank you all 👊 pic.twitter.com/7PX4nYoOhk
— George Lineker (@GeorgeLineker) December 18, 2022
