Forráðamenn Liverpool virðast meðvitaðir um það að hákarlanir á Spáni gætu farið að narta í Sadio Mane.
Mane er einn allra besti leikmaður enksu úrvalsdeildarinnar og heitasti leikmaður Liverpool þessa stundina.
Mane gerði nýjan samning við Liverpool í nóvember og þénar nú 150 þúsund pund á viku, það er há upphæð en lítil í samhengi við gæði Mane.
Ensk blöð segja því að Liverpool vilji nú gera nýjan samning við Mane sem gefur honum rúm 200 þúsund pund í laun á viku.
Mane er öflugur sóknarmaður sem hefur bætt leik sinn all svakalega undir stjórn Jurgen Klopp.
