Chelsea mistókst að vinna sinn fyrsta leik í ensku úrvalsdeildinni undir stjórn Frank Lampard í gær.
Chelsea tapaði fyrsta leik sínum 4-0 gegn Manchester United og þurfti að hefna fyrir það tap í gær. Chelsea komst yfir snemma leiks en Mason Mount skoraði þá sitt fyrsta mark fyrir aðalliðið.
Staðan var 1-0 í hálfleik en í þeim síðari þá jöfnuðu gestirnir metin er Wilfried Ndidi skallaði knöttinn í netið eftir hornspyrnu.
Það var miðjumaðurinn James Maddisson sem tók spyrnuna en sjónvarpsstjarnan, Jeremy Clarkson hafði verið að bögga hann á Twitter. Á meðan leikurinn var í gangi.
Clarkson er einn frægasti sjónvarpsmaður Bretlands, en hann var í Top Gear þáttunum. Sem margir kannast við.
„James Maddisson, of mikið í klippingu, of lítið að æfa sig í fótbolta.“ skrifaði Clarkson á Twitter.
Eftir leik var Maddisson fljótur til. „Einbeittu þér að bílum, ég get talið á fingrum annarrar handar, hversu margar klippingar þú átt eftir.“
