Er lúsmý eða annað mý að hrjá þig? Ertu með bitsár og finnur fyrir kláða? Það eru auðvitað til mörg ráð um hvernig sé best að takast á við þessi leiðinda bit eftir mýflugur en það er til ein aðferð sem er einstaklega einföld og þar að auki ókeypis og ekki skemmir fyrir að rannsóknir vísindamanna styðja það að þessi aðferð virki.

Það eina sem þarf til er heitt vatn. Það á að vera svo heitt að það er pínu óþægilegt að fá það á húðina en það má ekki vera svo heitt að það brenni hana. Með því að stinga svæðinu, þar sem bitsárið er, í vatnið í nokkrar sekúndur er hægt að lina kláðatilfinninguna í margar klukkustundir.

Forskning.no skýrir frá þessu og segir að aðferðin virki gegn mýbiti en einnig stungum geitunga og býflugna.