fbpx
Mánudagur 17.júní 2024
Pressan

11 ára drengur vildi gera góðverk og greiða niður mötuneytisskuldir samnemenda sinna – Hið ótrúlega gerðist

Ragna Gestsdóttir
Þriðjudaginn 28. maí 2024 18:30

Ekki missa af Helstu tíðindum dagsins í pósthólfið þitt

Lesa nánar

Hinn 11 ára gamli Daken Kramer setti af stað söfnun með það markmið að greiða niður skuldir við mötuneytið í skólanum, reikninga sem aðrir nemendur og fjölskyldur þeirra höfðu ekki haft efni á að greiða. 

Kramer sem er í fimmta bekk í Thomas Ultican grunnskólanum í Blue Springs, Missouri í Bandaríkjunum, fór langt fram úr upphaflegu markmiði sínu og safnaði 7300 dölum eða nær sléttri milljón. Þannig náði hann að greiða upp alla ógreiddu reikningana í mötuneytinu og meira til.

Vanessa Kramer móðir Daken var dugleg að deila söfnun sonarins á samfélagsmiðlum og sagði í viðtali við fréttastofu CNN: „Börn í grunnskóla ættu ekki að vera með útistandandi skuld tengda kennitölu sinni. Ég hef heyrt dæmi um að nemendum sé neitað að mæta á útskriftarballið (e. prom) eða mæta við útskrift af því að það eru ógreiddir matarreikningar í skólanum á þeirra nafni og kennitölu. Margar fjölskyldur ráða ekki við þessa reikninga og geta ekki greitt þá.“

Kramer deildi myndbandi á Facebook þann 22. maí þar sem Daken útskýrir hvers vegna hann ákvað að fara af stað með söfnunina. Þar kynnir hann sig og segist vera á síðasta ári í grunnskóla og þakkar skólanum fyrir að „móta hann sem opinn, góðan, samúðarfullan,  virðingarfullan og sterkan leiðtoga.

„Mig langar að gera eitthvað til að sýna þakklæti mitt,“ segir Daken og segist hafa sett af stað söfnun með heitinu Daken feeds TUE sem yrði opin fram að útskrift hans þann 21. maí. Söfnuninni sé til að greiða niður hádegismatsskuldir nemenda í skólanum hans sem eru að sögn skólans um 3000 dalir. Skoraði hann á vini, fjölskyldu og fyrirtæki á staðnum að gefa „það sem þeir geta“ til málstaðarins.

Í myndbandinu má sjá framlögin stíga, fyrst safnast um 500 dalir, síðan er söfnunin komin í 900 dali og má sjá gleði Daken þegar söfnunin fer yfir markmiðið og nær 3370 dölum.

En framlögin stoppuðu ekki þar. Þann 21. maí hafði Daken tekist að safna 7470 dölum, sem dugði til að greiða skuldina í grunnskólanum að fullu. Það sem safnaðist umfram mun fara í að greiða hádegismatarskuldir í framhaldskólanum.

Daken steig á svið í skólanum sínum þar sem hann afhenti skólanum ávísunina, auk þess sem hann þakkaði öllum fyrir að taka þátt og starfsfólki fyrir að halda honum „heilbrigðum bæði líkamlega og andlega“, stjórn skólans fyrir að huga að öryggi hans og einnig þakkaði hann kennara sínum sérstaklega.

„Þetta er upplifun sem mun fylgja honum alla ævi. Þetta ferli hefur kveikt eitthvað í Daken sem fær hann til að vilja halda áfram að breyta heiminum til hins betra. Hann hefur þegar spurt mig hvert næsta skref sé í að hjálpa til við skólamatinn. Ég sagði honum að við gætum örugglega byrjað að skoða málið í sumar ef hann hefur enn áhuga, en í bili ætti hann bara að njóta síðustu dagana í grunnskólanum,“ segir móðir Daken.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Rúmlega 50.000 Kaliforníubúar létust ótímabærum dauða á áratug vegna reyks frá gróðureldum

Rúmlega 50.000 Kaliforníubúar létust ótímabærum dauða á áratug vegna reyks frá gróðureldum
Pressan
Í gær

Víkingasverð með „mjög sjaldgæfri“ áletrun fannst á norskum sveitabæ

Víkingasverð með „mjög sjaldgæfri“ áletrun fannst á norskum sveitabæ
Pressan
Fyrir 2 dögum

Renndi kærastanum í ferðatösku þar sem hann kafnaði – Búin að stórmóðga 7 verjendur og þarf líklega að skipta núverandi út líka

Renndi kærastanum í ferðatösku þar sem hann kafnaði – Búin að stórmóðga 7 verjendur og þarf líklega að skipta núverandi út líka
Pressan
Fyrir 2 dögum

Dularfullt andlát lögreglumanns vekur upp spurningar – Drap kærastan hann eða er lögreglan að hylma yfir með sínum eigin?

Dularfullt andlát lögreglumanns vekur upp spurningar – Drap kærastan hann eða er lögreglan að hylma yfir með sínum eigin?
Pressan
Fyrir 3 dögum

Fundu sjö stjörnur þar sem mögulega eru vísbendingar um vitsmunalíf

Fundu sjö stjörnur þar sem mögulega eru vísbendingar um vitsmunalíf
Pressan
Fyrir 3 dögum

Vanstilltur tölvupóstur Donald Trump vekur upp spurningar um geðheilsu hans – „Hann mun gera allt til að vinna kosningarnar“

Vanstilltur tölvupóstur Donald Trump vekur upp spurningar um geðheilsu hans – „Hann mun gera allt til að vinna kosningarnar“
Pressan
Fyrir 4 dögum

71 árs Legoþjófur handtekinn – Stal rúmlega 2.800 kössum af sjaldgæfu og dýru Lego

71 árs Legoþjófur handtekinn – Stal rúmlega 2.800 kössum af sjaldgæfu og dýru Lego
Pressan
Fyrir 4 dögum

Meiri upplýsingar um 12 ára morðingjann líta dagsins ljós – Sagður snarruglaður

Meiri upplýsingar um 12 ára morðingjann líta dagsins ljós – Sagður snarruglaður