fbpx
Sunnudagur 26.maí 2024
Pressan

Kynlífspartý, fíkniefni, Viagra og morð – Kaþólska kirkjan tengist vafasömum málum

Pressan
Þriðjudaginn 16. apríl 2024 04:05

Frans páfi er ekki með góða stjórn á öllum undirmönnum sínum. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Hneykslismálin koma einfaldlega á færibandi hjá kaþólsku kirkjunni í Póllandi. Prestur var nýlega dæmdur í máli sem snerist um kynlífspartý þar sem Viagra, fíkniefni og vændiskarl komu við sögu. Við þetta bætist morð og dularfullt andlát.

Kynlífspartý, fíkniefni, vændiskarl og of stór skammtur af Viagra er ekki eitthvað sem fólk tengir venjulega við kaþólsku kirkjuna. En þetta er það sem tengist hneykslismálum tengdum kaþólsku kirkjunni í Póllandi. Þau náðu hámarki þegar presturinn Tomasz Z var dæmdur í 18 mánaða fangelsi fyrir fjölda lögbrota.

Hann var sakfelldur yfir kynferðisbrot, fyrir að hafa gefið annarra manneskju ólöglegt efni og að hafa komið í veg fyrir að manneskja fengi nauðsynlega læknisaðstoð.

Málið hófst í ágúst 2022 í kjölfar samkvæmis heima hjá Tomasz Z. Fleiri kirkjunnar þjónar eru sagðir hafa verið meðal gesta.

Jótlandspósturinn segir að samkvæmt fréttum pólskra fjölmiðla hafi enginn samkvæmisgestanna hringt í neyðarnúmer þegar vændiskarl missti meðvitund eftir ofnotkun Viagra en lyfið er yfirleitt notað til að takast á við stinningarvanda.

Þegar sjúkraflutningsmenn komu á vettvang var þeim meinaður aðgangur og kölluðu þeir því eftir aðstoð lögreglunnar. Þegar hún kom á vettvang breyttist staðan algjörlega og sjúkraflutningsmennirnir komust inn.

Þegar málið komst í hámæli 2023 sendi Tomasz Z yfirlýsingu til fjölmiðla þar sem hann efaðist um hvort umfjöllunin um samkvæmið hafi verið rétt og hversu margir prestar voru til staðar í því. Hann benti einnig á að það væri mikilvægt  að átta sig á „hver skilgreiningin á kynsvalli sé“.

Hann var dæmdur til að greiða sem svarar til rúmlega hálfrar milljónar íslenskra króna í bætur til vændiskarlsins sem missti meðvitund í partýinu og þess utan til að gefa ótilgreinda upphæð í sjóð fyrir fórnarlömb afbrota.

Á meðan á rannsókn málsins stóð var hann sviptur embætti sínu hjá sókninni sem hann þjónaði í bænum Sosnowiec.

En Sosnowiecs sóknin hefur glímt við fleiri hneykslismál að undanförnu en kynlífspartý Tomasz.

Í mars á síðasta ári fannst ungur starfsmaður kirkjunnar látinn í Sosnowiec. Hann hafði verið skotinn með skammbyssu og stunginn með hníf. Sama dag tók prestur eigið líf með því að kasta sér fyrir lest. Lögreglan telur að presturinn hafi myrt hinn unga starfsbróður sinn og síðan tekið eigið líf.

Í síðasta mánuði fannst lík ungs manns í einni af prestaíbúðum sóknarinnar. Enn hefur ekki tekist að slá því föstu hvað varð manninum að bana en pólska götublaðið Fakt segir að lögreglan telji að sá sem býr í íbúðinni hafi verið með fíkniefni í fórum sínum. Hann er undir eftirliti lögreglunnar og má ekki yfirgefa landið. Hann neitar sök.

Pólski presturinn og heimspekingurinn Andrzej Kobylinski sagði í samtali við RMF24 að málin séu verri en „Sódóma og Gómorra“. „Þetta er svo sannarlega heimsendir. Við neyðumst til að nota svo sterk lýsingarorð til að hræða hlustendur,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Segir alþjóðlega sakamáladómstólnum að „fara til helvítis“ fyrir að skipa Ísrael að láta af árásum sínum á Gaza

Segir alþjóðlega sakamáladómstólnum að „fara til helvítis“ fyrir að skipa Ísrael að láta af árásum sínum á Gaza
Pressan
Í gær

Fullkomlega hraust fólk notar hjólastóla til að fá forgang um borð

Fullkomlega hraust fólk notar hjólastóla til að fá forgang um borð
Pressan
Fyrir 2 dögum

Lögreglan leitaði að Sporðdrekanum í tvö ár án árangurs – Þá kom fréttakonan til sögunnar

Lögreglan leitaði að Sporðdrekanum í tvö ár án árangurs – Þá kom fréttakonan til sögunnar
Pressan
Fyrir 3 dögum

Braut bílrúðu og bjargaði ársgömlu barni – Foreldrarnir mótmæltu

Braut bílrúðu og bjargaði ársgömlu barni – Foreldrarnir mótmæltu
Pressan
Fyrir 4 dögum

Viðskiptavinir McDonald‘s trúðu ekki eigin augum

Viðskiptavinir McDonald‘s trúðu ekki eigin augum
Pressan
Fyrir 4 dögum

Bjó í matvöruskilti í heilt ár – „Öruggi staðurinn minn“

Bjó í matvöruskilti í heilt ár – „Öruggi staðurinn minn“
Pressan
Fyrir 4 dögum

Sendi eiginmanninum djarfar góða nótt myndir – Yfirsást eitt atriði

Sendi eiginmanninum djarfar góða nótt myndir – Yfirsást eitt atriði
Pressan
Fyrir 4 dögum

Lucy var dæmd fyrir að hafa myrt sjö kornabörn – Nú er spurt hvort hún sé í raun saklaus

Lucy var dæmd fyrir að hafa myrt sjö kornabörn – Nú er spurt hvort hún sé í raun saklaus