Málið hófst þegar póstberi sá fimm ára stúlku eina á gangi í bænum. Þetta reyndist vera eldri systir Athena en Athena var hvergi að sjá.
Þær höfðu verið í gæslu hjá hjónunum Alysia og Ivon Adams.
Þau eru nú bæði í haldi lögreglunnar. Alysia er kærð fyrir vanrækslu við umönnun systranna og Ivon hefur verið kærður fyrir morð og vanrækslu.
CNN og Fox News skýrðu frá því í síðustu viku að samkvæmt dómskjölum þá hafi Alysia skýrt frá því í yfirheyrslu að að Ivon hafi á jóladag „slegið Athena og haldið um handleggi hennar“.
„Athena bærði ekki á sér og augu hennar voru varla opin. Hann lagði hana niður á jörðina og sló hana minnst þrisvar sinnum til viðbótar í bringuna. Athena hreyfði sig ekki eftir þetta,“ skrifaði Brenna Alvarez, lögreglukona, í skýrslu um málið.
Ekki er vitað af hverju hann gerði þetta.
Í síðustu viku skýrði OSBI frá því að lík af barni hefði fundist „nærri Rush Springs“. Fram kom að frekari rannsókna væri þörf áður en hægt væri að segja til með fullri vissu hvaða barn væri um að ræða.
Þetta var síðasta opinbera tilkynningin frá lögreglunni í málinu því David Stephens, dómari, gaf út svokallaða „gag order“ í málinu. Það hefur í för með sér að lögreglan má ekki tjá sig um rannsókn málsins þar til dómari ákveður annað.
Af þeim sökum er ekki vitað hvort líkamsleifarnar, sem fundust í síðustu viku, eru af Athena.
