fbpx
Sunnudagur 29.janúar 2023
Pressan

Handtekinn vegna úranmálsins – „Gæti verið einhverskonar generalprufa“

Kristján Kristjánsson
Þriðjudaginn 17. janúar 2023 17:30

Breskir lögreglumenn að störfum. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Eins og DV skýrði frá í síðustu viku þá fannst lítið magn af úrani við hefðbundið eftirlit með sendingum um Heathrow flugvöllinn í Lundúnum. Um helgina var karlmaður á sextugsaldri handtekinn í Cheshire. Hann er með tengsl við Íran og er grunaður um að tengjast málinu.

Fundu úran á Heathrow – Hryðjuverkalögreglan rannsakar málið

Málið hefur vakið upp spurningar um af hverju efnið var sent til Bretlands og til hvers hafi átt að nota það. Þá vekja tengsl hins handtekna við Íran áhyggjur en óhætt er að segja að samband Bretlands og Írans sé stirt um þessar mundir. Þá er vitað að klerkastjórnin í Íran hikar ekki við að styðja við bakið á hryðjuverkamönnum um allan heim og stendur sjálf á bak við hryðjuverk.

Þegar maðurinn var handtekinn á laugardaginn var það gert á grundvelli níundu greinar hryðjuverkalaganna en hún nær yfir „Aðila sem eru með eða eru að undirbúa geislavirk efni sem er hægt að nota til hryðjuverka“.

Pakkinn var stílaður á fyrirtæki á svæðinu en hann var sendur frá Pakistan. Fyrirtækið virðist vera í eigu hins handtekna en það flytur að sögn inn brotamálma. Maðurinn hefur nú verið látinn laus gegn tryggingu.

„Þetta er að sjálfsögðu þróun sem vekur áhyggjur. Ég vil gjarnan leggja áherslu á að þrátt fyrir þessa handtöku, sem var gerð á grunni vitneskju okkar, steðjar engin ógn að almenningi. Við höldum rannsókninni þó áfram til að tryggja að svo verði áfram,“ sagði Richard Smith, hjá hryðjuverkavarnardeild Lundúnalögreglunnar, á fréttamannafundi á sunnudaginn.

Philip Ingram, fyrrum starfsmaður bresku leyniþjónustunnar, sagðist í samtali við The Telegraph hafa áhyggjur af málinu og hvaða fyrirætlanir búa að baki sendingunni: „Það er alveg örugglega möguleiki á að hér hafi verið um einhverskonar könnunarsendingu eða generalprufu að ræða, til að rannsaka hvernig öryggismálum er háttað.“

Hann sagði að hægt sé að nota geislavirkt úran á margvíslegan hátt en það hversu lítið magn var um að ræða í sendingunni geti bent til að um generalprufu hafi verið að ræða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Sögulegur fjöldi andláta í Finnlandi á síðasta ári

Sögulegur fjöldi andláta í Finnlandi á síðasta ári
Pressan
Fyrir 2 dögum

Rasismi ógnar lýðheilsu um allan heim

Rasismi ógnar lýðheilsu um allan heim
Pressan
Fyrir 3 dögum

Dæmdur nauðgari sagður hafa leikið á kerfið með að undirgangast kynleiðréttingu og afplána dóminn í kvennafangelsi

Dæmdur nauðgari sagður hafa leikið á kerfið með að undirgangast kynleiðréttingu og afplána dóminn í kvennafangelsi
Pressan
Fyrir 3 dögum

89 milljónum ríkari og þakkar spítalaferðinni fyrir

89 milljónum ríkari og þakkar spítalaferðinni fyrir
Pressan
Fyrir 3 dögum

Ásakanirnar eða maðurinn sjálfur á sandi byggð? – Andrew Tate neitar sök og sakar rúmensk yfirvöld um að ræna eigum hans

Ásakanirnar eða maðurinn sjálfur á sandi byggð? – Andrew Tate neitar sök og sakar rúmensk yfirvöld um að ræna eigum hans
Pressan
Fyrir 3 dögum

Rekinn frá Disney eftir 3 mánuði – Kostaði fyrirtækið 20 milljónir á dag

Rekinn frá Disney eftir 3 mánuði – Kostaði fyrirtækið 20 milljónir á dag
Pressan
Fyrir 4 dögum

Lík hans fannst fyrir 11 árum – Hver var hann?

Lík hans fannst fyrir 11 árum – Hver var hann?
Pressan
Fyrir 4 dögum
Söguleg þrenna