fbpx
Laugardagur 10.júní 2023
Pressan

Hrollvekjandi sænsk lögregluskýrsla – Glæpamenn hafa komið sér fyrir á öllum stigum samfélagsins

Pressan
Mánudaginn 6. febrúar 2023 08:00

Sænskir lögreglumenn við störf. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Glæpagengi eru umsvifamikil í Svíþjóð og eru stórt vandamál þar í landi. Svo stórt að nú eru að minnsta kosti 40 glæpagengi, sem byggjast að stórum hluta upp á fjölskylduböndum, sem hafa það eina markmið að skipuleggja og kerfisvæða afbrot.

Þetta sagði Mats Löfving, ríkislögreglustjóri í Svíþjóð, nýlega í viðtali við Sænska ríkisútvarpið. Hann sagði einnig að Svíar séu of „barnalegir“ hvað varðar glæpagengin.

Í nýrri leynilegri lögregluskýrslu, sem dagblaðið Expressen hefur komist yfir, kemur fram að mörg af þessum glæpagengjum hafi nú öðlast svo mikil völd í samfélaginu að félagar í þeim séu búnir að koma sér fyrir í stjórnmálaflokkum, hjá atvinnumiðlunum, í fasteignageiranum, á sjúkrahúsum og í bönkum.

Í skýrslunni kemur fram að vandinn sé mestur í Södertälje, sem er bær nærri Stokkhólmi, en þar eru fjölskylduglæpagengin sögð hafa komið sér fyrir í nær öllum lögum samfélagsins. Einnig segir að á sama tíma og hægt er að tengja hluta af þessum glæpagengjum við sprengjutilræði og skotárásir sinni aðrir félagar í þeim störfum í atvinnulífinu.

„Það er mat lögreglunnar að félagar í Södertälje-genginu telji sig ekki vera glæpamenn, heldur verktaka. Markmið og þarfir glæpagengisins eru mikilvægust en sænsk lög og reglur koma þar á eftir,“ segir meðal annars í skýrslunni.

Skýrslan var gerð í byrjun árs en hefur verið haldið leynilegri. Expressen segir að í henni komi fram að fjórir aðilar úr Södertälje-genginu hafi setið á þingi á síðustu tveimur áratugum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Engin miskunn – 18 milljónir í sekt fyrir of hraðan akstur

Engin miskunn – 18 milljónir í sekt fyrir of hraðan akstur
Pressan
Fyrir 2 dögum

Samsæriskenningasmiðirnir „Bonnie og Clyde“ sakfelld fyrir fyrirætluð skemmdarverk og árásir

Samsæriskenningasmiðirnir „Bonnie og Clyde“ sakfelld fyrir fyrirætluð skemmdarverk og árásir
Pressan
Fyrir 4 dögum

Amazon þarf að greiða 600 milljónir vegna njósna starfsmanna – Upptökur úr svefnherbergjum

Amazon þarf að greiða 600 milljónir vegna njósna starfsmanna – Upptökur úr svefnherbergjum
Pressan
Fyrir 4 dögum

Út á við var líf systranna fullkomið – Á bak við luktar dyr heimilisins ríkti hins vegar ógnarástand

Út á við var líf systranna fullkomið – Á bak við luktar dyr heimilisins ríkti hins vegar ógnarástand
Pressan
Fyrir 4 dögum

Talaði við sjálfan sig og sagði sálfræðingi frá frábæru lífi sínu – Skjöl varpa ljósi á síðustu daga Jeffrey Epstein

Talaði við sjálfan sig og sagði sálfræðingi frá frábæru lífi sínu – Skjöl varpa ljósi á síðustu daga Jeffrey Epstein
Pressan
Fyrir 4 dögum

Brúðguminn deildi umslögum út til gestanna – Innihaldið kom öllum í opna skjöldu

Brúðguminn deildi umslögum út til gestanna – Innihaldið kom öllum í opna skjöldu