Errol Musk, faðir ríkasta manns heims Elon Musk, fór í viðtal hjá ástralskri útvarpsstöð þar sem hann lýsti óánægju sinni með afrek sonar síns. Ástralski miðillinn news.com.au kallaði viðtalið „grimmt“. Aðspurður hvort hann væri stoltur af syni sínum svaraði hann blákalt: „Nei.“ Útvarpsmaðurinn Jackie O á stöðinni KIIS FM í Ástralíu sagði við Errol: „Sonur þinn er snillingur. Hann er ótrúlega ríkur og hefur skapað svo mikið, þú verður að gefa honum það. Ertu stoltur?“
Þessu svaraði Errol: „Veistu, við erum fjölskylda sem hefur verið að gera góða hluti í langan tíma, það er ekki eins og að við byrjuðum bara allt í einu að gera eitthvað.“ Errol gaf Eloni það að hann hafi kannski afrekað mest en bætti við að hann væri helst stoltur af bróður Elons, veitingastaðaeigandanum og kokkinum Kimbal. Errol gerði einnig grín að þyngd Elons og sagði að Elon væri sterklega byggður en að hann væri ekki að borða nógu vel. Hann mældi með fæðubótarefni svo að hann gæti grennst.
Hinn 79 ára Errol á fjögur börn og af þeim tvö með 34 ára fyrrverandi stjúpdóttur sinni, Jönu Bezuidenhout. Þegar hann var spurður út í sambandið lýsti hann því sem „fullkomlega eðlilegu.“