fbpx
Þriðjudagur 04.október 2022
Pressan

Vann á sama kaffihúsinu í sjö ár – Þrjár mínútur kostuðu hana starfið

Kristján Kristjánsson
Miðvikudaginn 17. ágúst 2022 22:00

Starbucks. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Í tæp sjö ár starfaði Joselyn Chuquilanqui hjá bandarísku kaffihúsakeðjunni Starbucks. Dag einn mætti hún þremur mínútum of seint og var rekin. Hún hafði sjálf átt von á að verða rekin því hún segir að keðjan hafi leitað að ástæðu til að reka hana vegna baráttu hennar fyrir að starfsfólk Starbucks í Bandaríkjunum gangi í stéttarfélag. Hún hafði hvatt samstarfsfólk sitt á kaffihúsinu í New York, þar sem hún starfaði, til að ganga í stéttarfélag.

BBC skýrir frá þessu. „Þetta var ákveðið form hefndar. Ég hef aldrei séð neinn vera rekinn fyrir að koma undir fimm mínútum of seint,“ er haft eftir henni.

Hún sagði að fljótlega eftir að hún fór að blanda sér í baráttuna fyrir stofnun stéttarfélags hafi yfirmaður hennar byrjað að refsa henni þegar hún mætti nokkrum mínútum of seint en á sama tíma hafi samstarfsfólki hennar ekki verið refsað fyrir að koma of seint.

Hún er ekki eini starfsmaðurinn sem hefur fengið sparkið hjá Starbucks vegna baráttu fyrir aðild starfsfólks að stéttarfélögum. BBC segir að rúmlega 75 starfsmenn keðjunnar hafi verið reknir úr starfi vegna baráttu fyrir að starfsfólkið gangi í stéttarfélög.

Talsmenn Starbucks, sem rekur rúmlega 9.000 kaffihús í Bandaríkjunum, vísa því á bug að um hefnd sé að ræða af hálfu fyrirtækisins. Keðjan hefur lokað nokkrum kaffihúsum þar sem starfsfólk hafði samþykkt að ganga í stéttarfélög.

Forstjóri keðjunnar, Howard Schultz, hefur látið gagnrýnin orð falla þegar rætt er um stéttarfélög og meðal annars sagt að fyrirtækið hafi ekki trú á að þriðji aðilinn (stéttarfélög) eigi að vera í fararbroddi fyrir starfsfólkið og því berjist fyrirtækið um hjarta og huga starfsfólksins og muni ná árangri í þeim efnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Ódýr“ jólagjöf foreldranna til barnanna sló svo sannarlega í gegn

„Ódýr“ jólagjöf foreldranna til barnanna sló svo sannarlega í gegn
Pressan
Fyrir 2 dögum

Bragðið af grænkáli fær ófædd börn til að gretta sig

Bragðið af grænkáli fær ófædd börn til að gretta sig
Pressan
Fyrir 3 dögum

Ný norræn rannsókn – Umhverfið hefur meiri áhrif en erfðir hvað varðar ristilkrabbamein

Ný norræn rannsókn – Umhverfið hefur meiri áhrif en erfðir hvað varðar ristilkrabbamein
Pressan
Fyrir 3 dögum

Telja að það séu 2,5 milljónir maura á hvern einasta jarðarbúa

Telja að það séu 2,5 milljónir maura á hvern einasta jarðarbúa
Pressan
Fyrir 4 dögum

Telja sig hafa fundið líkamsleifar drengsins 58 árum eftir morðið

Telja sig hafa fundið líkamsleifar drengsins 58 árum eftir morðið
Pressan
Fyrir 4 dögum

Særðust í skotárás í Svíþjóð

Særðust í skotárás í Svíþjóð