Samkvæmt nýjum tölum frá Bretlandi þá hefur fólki, eldra en 65 ára, tekist að temja sér að finna sér bólfélaga með því að nota stefnumótaöpp. En á móti kemur að fólk í þessum aldurshópi er ekki sérstaklega duglegt við að nota smokka, sérstaklega þegar það er undir áhrifum áfengis og/eða fíkniefna.
The Guardian skýrir frá þessu og segir að þetta komi fram í nýrri skýrslu frá Local Government Association. Í henni kemur fram að snjallsímar og stefnumótaöpp hafi á síðasta áratug breytt kynlífsvenjum fólks og því fylgi ákveðnar aukaverkanir.
Fram kemur að frá 2017 til 2019 hafi 20% fleiri, eldri en 65 ára, fengið kynsjúkdóm en áður. Algengustu kynsjúkdómarnir voru lekandi og klamýdía. Rúmlega fjórar milljónir einstaklinga, leituðu til heilbrigðisstarfsfólks á síðasta ári til að fá meðferð við kynsjúkdómum.
The Guardian segir að það ýti undir fjölda smita að oft séu ólögleg vímuefni höfð um hönd.
Á síðasta ári fóru um tvær milljónir Breta, eldri en 65 ára, í rannsókn vegna hugsanlegra kynsjúkdóma. Það voru 19% fleiri en 2020.