fbpx
Föstudagur 02.desember 2022
Pressan

Grikkir biðja ESB um stuðning til að verjast ágangi afganskra flóttamanna

Kristján Kristjánsson
Mánudaginn 13. september 2021 20:00

Flóttamenn á landamærum Grikklands og Tyrklands. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Gríska ríkisstjórnin segir að ESB eigi að taka þátt í kostnaði við gæslu á landamærum Grikklands við Tyrkland en Grikkir óttast mikinn straum afganskra flóttamanna að landamærunum. Nýlega var lokið við uppsetningu 27 kílómetra langrar girðingar til viðbótar við 13 kílómetra girðingu sem var fyrir á landamærunum.

Gaddavír er efst á girðingunni og rafrænn búnaður er notaður til vöktunar á landamærunum. Michalis Chrisochoidis, ráðherra almannavarna, sýndi fréttamönnum girðinguna nýlega og sagði við það tækifæri að ástandið í Afganistan valdi „möguleika á flóttamannastraumi“. „Við getum ekki horft aðgerðalaus á þennan hugsanlega möguleika. Landamæri okkar verða örugg og lokuð,“ sagði hann. Gríska ríkisstjórnin reiknar með að ráða 1.200 landamæraverði til starfa á næstunni til að styrkja gæsluna á landamærunum enn frekar. Að auki verður eftirlit strandgæslunnar í Eyjahafi styrkt. Hefur ESB beðið Framkvæmdastjórn ESB um 15,8 milljónir evra til þess verkefnis.

Notis Mitarachi, ráðherra innflytjendamála, sagði nýlega að Grikkir vilji takast á við flóttamanna- og innflytjendavandann á uppbyggilegan og áhrifaríkan hátt en hafi þörf fyrir sanngjarnan og nægan stuðning frá ESB til að geta það. „ESB á að styðja vernd ytri landamæra ESB í Grikklandi“, sagði ráðherrann.

Frá 2015 hefur ESB styrkt Grikki um sem svarar til um 300 milljarða íslenskra króna vegna flóttamannavandans, bæði til landamæragæslu og til móttöku flóttamanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Þrennt handtekið eftir að tvö barnslík fundust í heimahúsi

Þrennt handtekið eftir að tvö barnslík fundust í heimahúsi
Pressan
Fyrir 3 dögum

Morðgátan í Idaho – „Lýsti inn í húsið“ – Hundur drepinn og fláður

Morðgátan í Idaho – „Lýsti inn í húsið“ – Hundur drepinn og fláður
Pressan
Fyrir 4 dögum

Warren Buffett kom á óvart – Gaf 106 milljarða til góðgerðarmála

Warren Buffett kom á óvart – Gaf 106 milljarða til góðgerðarmála
Pressan
Fyrir 4 dögum

Hvað er í gangi? – Í annað sinn á skömmum tíma sem hann sýnir „mest elskaða barnið sitt“

Hvað er í gangi? – Í annað sinn á skömmum tíma sem hann sýnir „mest elskaða barnið sitt“
Pressan
Fyrir 5 dögum

Gates-sjóðurinn gefur 7 milljarða dollara til Afríku

Gates-sjóðurinn gefur 7 milljarða dollara til Afríku
Pressan
Fyrir 5 dögum

Grænlandsjökull bráðnar hratt

Grænlandsjökull bráðnar hratt
Pressan
Fyrir 5 dögum

Fella niður kröfu um þungunarpróf stúdína

Fella niður kröfu um þungunarpróf stúdína
Pressan
Fyrir 5 dögum

Þú hefur þítt frosna matinn þinn upp á rangan hátt alla tíð

Þú hefur þítt frosna matinn þinn upp á rangan hátt alla tíð