fbpx
Fimmtudagur 05.ágúst 2021
Pressan

Munaðarlaus norðurkóresk ungmenni eru send í námu- og byggingarvinnu

Kristján Kristjánsson
Laugardaginn 5. júní 2021 15:30

Frá Norður-Kóreu

Ekki missa af Helstu tíðindum dagsins í pósthólfið þitt

Lesa nánar

Mörg hundruð munaðarlaus norðurkóresk ungmenni hafa af fúsum og frjálsum vilja boðið sig fram til starfa í námum í landinu og í landbúnaði og byggingariðnaðinum.

Þetta kemur fram í frétt norðurkóresku ríkisfréttastofunnar KCNA frá á laugardag. Segir fréttastofan að rúmlega 700 munaðarlaus ungmenni hafi af „visku og hugrekki ákveðið á besta aldursskeiði sínu“ að vinna á samyrkjubúum og í stórum járn- og stálverum og í landbúnaði. Á fimmtudaginn sagði ríkisfréttastofan að 150 nemendur í þremur skólum fyrir munaðarlaus ungmenni hafi boðið sig fram til starfa í kolanámum. Fréttastofan sagði ekkert um aldur munaðarleysingjanna en miðað við myndir sem fylgdu fréttunum er um unglinga að ræða.

En þrátt fyrir fagrar og hástemmdar lýsingar fréttastofunnar er þess varla að vænta að hér sé um sjálfboðaliðsvinnu að ræða. Mannréttindasamtök hafa lengi sakað norðurkóresk yfirvöld um að láta börn stunda nauðungarvinnu en því neita stjórnvöld.

Sameinuðu þjóðirnar segja að lokun landamæra Norður-Kóreu vegna heimsfaraldursins hafi gert bágborna stöðu mannréttindamála í landinu enn verri og aukið á efnahagslegar þrengingar hinna 26 milljóna íbúa þessa harðlokaða einræðisríkis. Frá því að heimsfaraldurinn braust út hafa borist fregnir af matarskorti í landinu. Lokun landamæranna hefur lokað á viðskipti við Kína sem er mikilvægasta efnahagslega líflína landsins.

Í skýrslu bandaríska utanríkisráðuneytisins frá 2020 um stöðu mannréttindamála í Norður-Kóreu kemur fram að börn, allt niður í 16 ára aldur, séu neydd til starfa í sveitum, sem líkjast hersveitum, við byggingaframkvæmdir. Þau eru innrituð í þessar sveitir til allt að 10 ára í senn. Þau eru síðan látin vinna langa vinnudaga og sinna hættulegum störfum. Fram kemur að ungmennin glími við andleg og líkamleg vandamál, séu vannærð og örmagna vegna þeirra nauðungarvinnu sem þau eru látin sinna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Leggur til að börn niður í tveggja ára aldur verði bólusett gegn kórónuveirunni

Leggur til að börn niður í tveggja ára aldur verði bólusett gegn kórónuveirunni
Pressan
Í gær

Bæjarstjórinn í Nuuk tekinn fram fyrir í bólusetningu – Starfsfólki hótað af embættismanni

Bæjarstjórinn í Nuuk tekinn fram fyrir í bólusetningu – Starfsfólki hótað af embættismanni
Pressan
Fyrir 2 dögum

Blæti auðjöfursins varð tveimur mönnum að bana

Blæti auðjöfursins varð tveimur mönnum að bana
Pressan
Fyrir 2 dögum

Líbanski herinn er í fjárþörf og fer óvenjulega leið til að afla fjár

Líbanski herinn er í fjárþörf og fer óvenjulega leið til að afla fjár
Pressan
Fyrir 3 dögum

Biden vill að ríki borgi einstaklingum fyrir að láta bólusetja sig

Biden vill að ríki borgi einstaklingum fyrir að láta bólusetja sig
Pressan
Fyrir 3 dögum

Verður Donald Trump leynivopn Joe Biden og Demókrata?

Verður Donald Trump leynivopn Joe Biden og Demókrata?
Pressan
Fyrir 4 dögum

Andstæðingar bólusetninga innanlands og utan – Hugsjónafólk eða peningafólk?

Andstæðingar bólusetninga innanlands og utan – Hugsjónafólk eða peningafólk?
Pressan
Fyrir 4 dögum

Fyrstu staðfestu átök simpansa og górilla

Fyrstu staðfestu átök simpansa og górilla