fbpx
Þriðjudagur 22.júní 2021
Pressan

Enginn vissi hver hann var – Nú er lögreglan búin að leysa 24 ára gamla ráðgátu

Kristján Kristjánsson
Föstudaginn 4. júní 2021 06:01

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Á sunnudegi einum í september 1997 fóru Tore Ljunggren og mágur hans til sveppatínslu í skóginum við Elnes í Nittedal, skammt norðan við Osló. Dagurinn mun aldrei renna þeim úr minni því það voru ekki sveppir sem voru í aðalhlutverki þennan dag.

Ástæðan er að í skóginum fundu þeir svolítið sem líktist jarðneskum leifum. TV2 skýrir frá þessu. Nærri þessum leifum fundu þeir buxur með belti á. Mág Tore, sem er læknir, grunaði strax að hér væri um líkamsleifar manneskju að ræða og hafði samband við lögregluna.

Allt frá þessum degi var það ráðgáta hver hinn látni var. Umfangsmikil rannsókn lögreglunnar á árunum 1997 og 1998 varð ekki til að málið leystist. Síðasta haust fóru þáttagerðarmenn Åsted Norge að skoða málið og köfuðu ofan í ýmsa þætti þess sem þeir töldu að lögreglunni hefði yfirsést á sínum tíma.

Meðal þess sem þeir skoðuðu vel var fatnaður sem fannst ári síðar og var talinn tengjast hinum látna. Sérfræðingar frá Kripos, sem rannsakar alvarlega sakamál á landsvísu, fengu einnig áhuga á málinu og með nýrri DNA-tækni tókst að fá niðurstöðu sem var hægt að tengja við skrá yfir horfna Norðmenn.

Í ljós kom að hinn látni var karlmaður sem hafði lent í miklum persónulegum vandamálum og hafði misst sambandið við fjölskyldu sína. Af ótilgreindum ástæðum tilkynnti fjölskylda mannsins ekki um hvarf hans fyrr en 2018.

Síðast sást til hans 1993 eða 1994. Lögreglan telur að hann hafi verið á fertugsaldri þegar hann lést.

„Hans var saknað allan þennan tíma þrátt fyrir að við tilkynntum ekki um hvarf hans fyrr en 2018,“ sagði náinn ættingi hins látna í samtali við Åsted Norge.

Ekki er hægt að skera úr um dánarorsökina út frá þeim líkamsleifum sem fundust 1997.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Nú beinast spjótin að henni – Veit „Leðurblökukonan“ eitthvað um uppruna kórónuveirunnar?

Nú beinast spjótin að henni – Veit „Leðurblökukonan“ eitthvað um uppruna kórónuveirunnar?
Pressan
Fyrir 2 dögum

Himnahöll Kínverja verður tilbúin til notkunar á næsta ári

Himnahöll Kínverja verður tilbúin til notkunar á næsta ári
Pressan
Fyrir 4 dögum

49 þýskir lögreglumenn afhjúpaðir – Virkir á spjallrásum öfgahægrimanna

49 þýskir lögreglumenn afhjúpaðir – Virkir á spjallrásum öfgahægrimanna
Pressan
Fyrir 4 dögum

Slæmar fréttir af bóluefni CureVac

Slæmar fréttir af bóluefni CureVac
Pressan
Fyrir 5 dögum

Hryllingur í Þýskalandi – Maður myrti fyrrverandi eiginkonu og bróður hennar

Hryllingur í Þýskalandi – Maður myrti fyrrverandi eiginkonu og bróður hennar
Pressan
Fyrir 5 dögum

Líkamsleifar manns sem hvarf árið 2004 fundnar

Líkamsleifar manns sem hvarf árið 2004 fundnar