fbpx
Sunnudagur 01.ágúst 2021
Pressan

Trump gengur illa að finna útgefanda að endurminningum sínum – Óttast ósannindi hans

Kristján Kristjánsson
Miðvikudaginn 16. júní 2021 06:59

Trump gengur illa að finna útgefanda að endurminningum sínum.

Ekki missa af Helstu tíðindum dagsins í pósthólfið þitt

Lesa nánar

Donald Trump, fyrrum Bandaríkjaforseti, hefur unnið að ritun endurminninga sinna og það vita stóru bókaforlögin. Þau eru þó hikandi við að gefa bókina út og hafa ekki gert Trump nein tilboð um að gefa hana út. Hann segist þó hafa fengið tilboð frá tveimur stórum forlögum en það vilja þau ekki kannast við.

Politico skýrir frá þessu. Fram kemur að nær öruggt megi telja að endurminningabók fyrrum forseta Bandaríkjanna verði metsölubók en samt sem áður eru forlögin hikandi. Ástæður þess eru meðal annars að Trump er sagður hafa svikið forlögin áður í tengslum við útgáfur fyrri bóka hans og því treysti þau honum ekki. En aðalástæðan er að sögn sú að forlögin óttast að það sem Trump mun skrifa verði ekki alveg sannleikanum samkvæmt en eins og flestir vita þá á hann mjög erfitt með að halda sig við sannleikann.

„Það væri erfitt að fá bók frá honum þar sem rétt er farið með staðreyndir. Það verður vandamál. Ef hann getur ekki einu sinni viðurkennt ósigur sinni í forsetakosningunum, hvernig á þá að vera hægt að gefa svona út?“ er haft eftir áhrifamanni í útgáfugeiranum.

Politico segir að það hafi ekki gerst áður að fyrrum Bandaríkjaforseti eigi erfitt með að gera útgáfusamning. Það vekur enn meiri athygli á útgáfuvanda hans að nokkrir af helstu ráðgjöfum hans og embættismönnum í stjórnartíð hans eru að skrifa bækur um hann og valdatíma hans. Mike Pence, sem var varaforseti í embættistíð Trump, hefur meðal annars gert útgáfusamning við Simon & Schuster.

Orðrómur hefur verið uppi um að Trump sé reiður vegna þess að Pence hefur samið um útgáfu á bók sinni en því neitaði Jason Miller, talsmaður hans, og sagði að Trump sé sáttur við það og engin vandamál séu því tengd.

Í yfirlýsingu sem Trump sendi frá sér á föstudaginn sagðist hann hafa fengið tvö tilboð um útgáfu endurminninga sinna en hann hafi hafnað þeim báðum því hann vilji ekki gera útgáfusamning að svo stöddu. Hann sagði ekki hvaða fyrirtæki væri um að ræða. Í yfirlýsingu sem hann sendi Politico á mánudaginn sagði hann að tvær af stærstu og virtustu bókaútgáfunum hafi gert honum góð tilboð sem hann hafi hafnað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Methagnaður hjá móðurfyrirtæki Google

Methagnaður hjá móðurfyrirtæki Google
Pressan
Fyrir 2 dögum

Rændi skartgripum fyrir 400 milljónir og flúði á hlaupahjóli

Rændi skartgripum fyrir 400 milljónir og flúði á hlaupahjóli
Pressan
Fyrir 4 dögum

Ráðherra segist ekki hafa efni á því að búa í höfuðborginni

Ráðherra segist ekki hafa efni á því að búa í höfuðborginni
Pressan
Fyrir 4 dögum

Kóreuríkin hafa komið upp sambandi sín á milli á nýjan leik

Kóreuríkin hafa komið upp sambandi sín á milli á nýjan leik
Pressan
Fyrir 5 dögum

Bandaríkin kaupa 200 milljónir skammta af bóluefni Pfizer til viðbótar

Bandaríkin kaupa 200 milljónir skammta af bóluefni Pfizer til viðbótar
Pressan
Fyrir 5 dögum

Segja að breska ríkisstjórnin hafi sólundað tugum milljarða í heimsfaraldrinum

Segja að breska ríkisstjórnin hafi sólundað tugum milljarða í heimsfaraldrinum