fbpx
Föstudagur 15.október 2021
Pressan

Þetta er glæpamaðurinn sem aðstoðaði lögregluna óafvitandi – 800 handteknir

Kristján Kristjánsson
Fimmtudaginn 10. júní 2021 06:00

Hakan. Mynd:Ástralska alríkislögreglan

Ekki missa af Helstu tíðindum dagsins í pósthólfið þitt

Lesa nánar

Joseph Hakan Ayik, 42 ára Ástrali, lætur væntanlega lítið fyrir sér fara þessa dagana eftir umfangsmiklar lögregluaðgerðir víða um heim þar sem 800 meðlimir skipulagðra glæpasamtaka voru handteknir. Ástæðan er að hann var fyrstur til að fá farsíma með dulkóðuðu samskiptaappi sem lagði grunninn að aðgerðum lögreglunnar.

Ayik er vel tengdur inn í heim afbrotamanna, bæði heima fyrir en einnig á alþjóðavettvangi. Hann virðist hafa gegnt lykilhlutverki í aðgerð lögreglunnar sem ástralska alríkislögreglan, sú bandaríska og Evrópulögreglan Europol stóðu að í sameiningu.

Í 16 löndum voru 800 meðlimir skipulagðra glæpasamtaka handteknir. Hald var lagt á mikið magn vopna, fíkniefna og tæplega 50 milljónir dollara í reiðufé.

Hornsteinn rannsóknar lögreglunnar var samskiptaappið ANOM sem var þróað af bandarísku alríkislögreglunni FBI. Með því gátu afbrotamenn átt í dulkóðuðum samskiptum. En þeir vissu ekki að starfsmenn FBI sátu við tölvuskjái og fylgdust með öllum samskiptum þeirra. Appið var aðeins hægt að nota í sérstökum símum sem voru ekki nothæfir í neitt annað en til að hringja í og úr og fyrir ANOM appið. Það má segja að appið hafi gert lögreglunni kleift að vera í rassvasa glæpamanna.

Smávegis af því sem lögreglan lagði hald á í aðgerðinni. Mynd:Ástralska alríkislögreglan.Ást

Það er einmitt þar sem Ayik kemur inn í myndina. Hann var að sögn ástralska yfirvalda einn sá fyrsti til að nota appið og hann var iðinn við að mæla með því við félaga sína í undirheimunum. BBC skýrir frá þessu. Það voru lögreglumenn í dulargervi sem létu hann fá farsíma með appinu og út frá því náði það útbreiðslu í undirheimunum.

Ayki hefur verið eftirlýstur af áströlsku lögreglunni síðan 2011 en hann er grunaður um að vera höfuðpaurinn í stórum fíkniefnahring. Hann er talinn halda sig í Tyrklandi en hann er ættaður þaðan. Talið er að nú sé skynsamlegast fyrir hann að láta lítið fyrir sér fara því aðrir „notendur“ appsins muni hugsanlega hugsa honum þegjandi þörfina þegar þeir átta sig á að hann kom appinu í dreifingu meðal glæpamanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Einn skotinn í Helsingborg og sprenging í miðborginni

Einn skotinn í Helsingborg og sprenging í miðborginni
Pressan
Í gær

Hryllingsmínúturnar 34 í Kongsberg – Sá grunaði sagður hafa snúist til Íslamstrúar

Hryllingsmínúturnar 34 í Kongsberg – Sá grunaði sagður hafa snúist til Íslamstrúar
Pressan
Í gær

Frakkar krefja Breta um greiðslu fyrir að stöðva ferðir förufólks yfir Ermarsund

Frakkar krefja Breta um greiðslu fyrir að stöðva ferðir förufólks yfir Ermarsund
Pressan
Fyrir 2 dögum

Danskir vísindamenn gera tilraunir með nýja meðferð við COVID-19

Danskir vísindamenn gera tilraunir með nýja meðferð við COVID-19
Pressan
Fyrir 2 dögum

Nancy Pelosi dregin úr kaþólskri messu í Róm af öryggisvörðum vegna bóluefnamótmæla

Nancy Pelosi dregin úr kaþólskri messu í Róm af öryggisvörðum vegna bóluefnamótmæla
Pressan
Fyrir 2 dögum

Rúmenska heilbrigðiskerfið ræður ekki við álagið vegna fjórðu bylgju kórónuveirunnar

Rúmenska heilbrigðiskerfið ræður ekki við álagið vegna fjórðu bylgju kórónuveirunnar
Pressan
Fyrir 3 dögum

Segja að Rússar hafi stolið uppskriftinni að bóluefni AstraZeneca gegn kórónuveirunni

Segja að Rússar hafi stolið uppskriftinni að bóluefni AstraZeneca gegn kórónuveirunni
Pressan
Fyrir 3 dögum

Leita að þeim sem drápu 14 friðaðar kengúrur

Leita að þeim sem drápu 14 friðaðar kengúrur