fbpx
Föstudagur 18.júní 2021
Pressan

Merk uppgötvun á Ítalíu – Varpar ljósi á merka sögu

Kristján Kristjánsson
Laugardaginn 15. maí 2021 17:00

Homo sapiens og Neanderdalsmaður. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Nýlega skýrði ítalska menningarmálaráðuneytið frá því að steingervingar níu Neanderdalsmanna hafi fundist í Guattarihellinum í miðhluta landsins. Þetta er talin mjög merkileg uppgötvun sem varpi enn frekara ljósi á sögu þessarar tegundar manna.

Átta af steingervingunum eru á milli 50.000 og 68.000 ára gamlir en sá elsti er 90.000 til 100.000 ára.

Í tilkynningu frá ráðuneytinu segir að áður hafi tveir steingervingar Neanderdalsmanna fundist í hellinum og því hafi nú 11 fundist í heildina. „Þetta staðfestir að þetta er einn mikilvægasti staður heims hvað varðar sögu Neanderdalsmanna,“ segir í tilkynningunni.

Talið er að allir níu Neanderdalsmennirnir, sem fundust núna, hafi verið fullorðnir. Ekki er þó hægt að útiloka að einn þeirra hafi verið ungmenni.

Guattarihellirinn er í San Felice Circeo á milli Rómar og Napólí.

Vitað er að Neanderdalsmenn voru upp á sama tíma og nútímamaðurinn og að tegundirnar blönduðust. Erfðaefni úr Neanderdalsmönnum er að finna í okkur nútímamönnum en þó ekki í miklu magni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Símahneyksli Trumpstjórnarinnar vindur enn meira upp á sig – Fengu gögn um eiginn lögmann

Símahneyksli Trumpstjórnarinnar vindur enn meira upp á sig – Fengu gögn um eiginn lögmann
Pressan
Fyrir 4 dögum

Yfirborð Meadvatns hefur aldrei verið eins lágt – Vatnsskortur yfirvofandi

Yfirborð Meadvatns hefur aldrei verið eins lágt – Vatnsskortur yfirvofandi
Pressan
Fyrir 4 dögum

Hvað varð um Ben?

Hvað varð um Ben?
Pressan
Fyrir 4 dögum

Urðu að loka 36 McDonald‘s veitingastöðum af óvæntri ástæðu

Urðu að loka 36 McDonald‘s veitingastöðum af óvæntri ástæðu