fbpx
Fimmtudagur 13.maí 2021
Pressan

Góður gangur í bandarísku efnahagslífi

Kristján Kristjánsson
Þriðjudaginn 27. apríl 2021 22:30

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Á nokkrum vikum misstu rúmlega 22 milljónir Bandaríkjamanna vinnuna eftir að heimsfaraldurinn skall á. Þetta var að sjálfsögðu mikið áhyggjuefni og margir töldu að nú væri erfið efnahagskreppa að skella á. En nú er útlitið öllu bjartara og margir sérfræðingar telja bjarta tíma fram undan í efnahagslífinu.

Þegar atvinnuleysið jókst óttuðust margir að það myndi hafa í för með sér að fólk myndi taka mikið af neyðarlánum til að framfleyta sér og að í kjölfarið myndi gjaldþrotum og nauðungaruppboðum fjölga. Það var einmitt það sem gerðist þegar fjármálakreppan skall á 2008.

En í heimsfaraldrinum hefur þetta ekki gerst því bandarískir neytendur hafa ekki orðið fyrir jafn miklum skakkaföllum og áður og hafa því ekki tekið neyðarlán í þeim mæli sem reiknað var með. Þegar atvinnuleysið náði hámarki á öðrum ársfjórðungi 2020, þá mældist það 13,1%, dró úr slíkum lántökum miðað við það sem var á fyrsta ársfjórðungi 2020.

Það sem skiptir mestu máli í þessu sambandi er að þingið brást hratt við og dældi 2.000 milljörðum dollara inn í efnahagslífið, meðal annars til að greiða atvinnuleysisbætur og einnig fengu flestar fjölskyldur landsins ávísun frá ríkinu til að tryggja að neyslan myndi ekki dragast eins mikið saman. Þá skipti sveigjanleg peningastefna bandaríska seðlabankans einnig máli.

Spár gera ráð fyrir 6 til 7% hagvexti í Bandaríkjunum í ár. Hjálparpakki ríkisins upp á 1.900 milljarða dollara skiptir þar miklu sem og hröð bólusetning landsmanna. Samkvæmt nýjustu tölum heilbrigðisyfirvalda hafa að minnsta kosti 140 milljónir Bandaríkjamanna, 18 ára og eldri, fengið einn skammt af bóluefni og af þeim hafa 95 milljónir lokið bólusetningu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

NASA gagnrýnir Kínverja fyrir ábyrgðarleysi í geimnum

NASA gagnrýnir Kínverja fyrir ábyrgðarleysi í geimnum
Pressan
Fyrir 2 dögum

Segir indversku ríkisstjórnina hafa klúðrað góðum árangri í baráttunni við kórónuveiruna

Segir indversku ríkisstjórnina hafa klúðrað góðum árangri í baráttunni við kórónuveiruna
Pressan
Fyrir 3 dögum

Spendýr með stóra heila eru kannski ekki svo greind

Spendýr með stóra heila eru kannski ekki svo greind
Pressan
Fyrir 3 dögum

Elon Musk segir að hugsanlega snúi ekki allir geimfarar aftur lifandi frá Mars

Elon Musk segir að hugsanlega snúi ekki allir geimfarar aftur lifandi frá Mars
Pressan
Fyrir 4 dögum

Segir að Kínverjar auki kúgun sína og séu árásargjarnir

Segir að Kínverjar auki kúgun sína og séu árásargjarnir
Pressan
Fyrir 4 dögum

Taívan undirbýr sig undir stríð

Taívan undirbýr sig undir stríð