fbpx
Laugardagur 08.maí 2021
Pressan

Hans lést af völdum COVID-19 – Samsæriskenningasmiður sem sagði kórónuveiruna ekki vera til

Kristján Kristjánsson
Mánudaginn 12. apríl 2021 05:16

Hans Gaarder. Skjáskot/TV2

Ekki missa af Helstu tíðindum dagsins í pósthólfið þitt

Lesa nánar

Á þriðjudag í síðustu viku lést Hans Gaarder, 60 ára, einn þekktasti samsæriskenningasmiður Noregs og þekktur efasemdarmaður um tilvist kórónuveirunnar. Banamein hans var COVID-19. Margir fylgjendur hans eru í áfalli vegna andláts hans og kannski þá sérstaklega að það hafi verið COVID-19 sem varð honum að bana.

Samkvæmt fréttum norskra fjölmiðla var Hans maðurinn á bak við nettímaritið Nyhetsspeilet en það er vettvangur samsæriskenninga. Hann hafði ítrekað haldið því fram að heimsfaraldur kórónuveirunnar sé ekki raunverulegur. TV2 hefur eftir Svein-Inge Johansen, félaga Hans og samstarfsmanni um Nyhetsspeilet, að andlátið sé mikið áfall og samfélagið í kringum Nyhetsspeilet sé í áfalli. Hann sagði Hans hafa haft mikinn áhuga á samfélagsmálefnum. „Hann naut mikillar virðingar margra. Hann lét víða að sér kveða og var með stórt tengslanet. Okkur er brugðið og við erum í áfalli, þessu áttum við ekki von á,“ sagði hann.

TV2 segir að Hans hafi líklega verið með einkenni COVID-19 í sjö til tíu daga áður en hann leitaði til læknis. Are Løken, yfirlæknir í Gran, sagði að Hans hafi verið með einkenni í eina til tvær vikur áður en hann lést. Einkennin hafi farið versnandi og á mánudagskvöldið hafi hann verið orðinn mjög veikur en hafi ekki viljað leita sér aðstoðar. Hann sagði að Hans hafi ekki farið í sýnatöku áður en hann lést en sýni var tekið úr honum eftir andlátið og það staðfesti að hann var með COVID-19.

Hans hélt oft samkomur á heimili sínu í Gran, meðal annars 10 dögum áður en hann lést. En þá voru 20 til 40 manns samankomnir þar. Þetta var fólk sem kom víða að og á það sameiginlegt að aðhyllast samsæriskenningar og afneita tilvist kórónuveirunnar og heimsfaraldursins. Yfirvöld telja að önnur samkoma hafi verið haldin daginn eftir. Þessar samkomur brutu gegn sóttvarnaráðstöfunum og eru nú til rannsóknar hjá yfirvöldum.

Í kjölfar andlátsins hafi nokkrir látið í sér heyra á samfélagsmiðlum og segja að Hans hafi ekki látist af völdum COVID-19 og sumir telja að hann hafi verið myrtur og enn aðrir að yfirvöld beri ábyrgð á andláti hans. Það má því segja að aðrir samsæriskenningasmiðir hafi tekið upp þráðinn þar sem Hans hætti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Móðir í áfalli – Gómaði soninn við klósettþrif

Móðir í áfalli – Gómaði soninn við klósettþrif
Pressan
Fyrir 2 dögum

Bakteríur og annar óþverri – Svona ógeðsleg er andlitsgríman þín

Bakteríur og annar óþverri – Svona ógeðsleg er andlitsgríman þín
Pressan
Fyrir 3 dögum

Hafa áhyggjur af stjórnlausri kínverskri eldflaug – Getur valdið miklu tjóni þegar hún hrapar til jarðar

Hafa áhyggjur af stjórnlausri kínverskri eldflaug – Getur valdið miklu tjóni þegar hún hrapar til jarðar
Pressan
Fyrir 3 dögum

Segir að Vilhjálmur verði síðasti konungur Bretlands

Segir að Vilhjálmur verði síðasti konungur Bretlands
Pressan
Fyrir 4 dögum

Komu upp um barnaníðingshring með 400.000 meðlimum

Komu upp um barnaníðingshring með 400.000 meðlimum
Pressan
Fyrir 4 dögum

Málið sem skekur Frakkland – Hermenn vara við uppgangi múslíma og borgarastyrjöld

Málið sem skekur Frakkland – Hermenn vara við uppgangi múslíma og borgarastyrjöld