Í mörg ár hafa stakir mannsfætur skolað á land í Bresku-Kólumbíu í Kanada. Fyrsti fóturinn fannst árið 2007 og til árið 2019 höfðu samtals 15 fætur fundist á ströndum svæðisins. Lögreglan hefur aldrei vitað hvernig þetta kom til, þar til nú.
Þegar mannslíkamar fara í sjóinn þá sökkva þeir niður á botn. Það var sannað árið 1977 en vatnsþrýstingurinn vinnur á móti gösum sem myndu venjulega myndast í mannslíkamanum við andlát og heldur þannig líkunum niðri.
Réttarlæknirinn Gail Anderson í Simon Fraser University vildi komast að niðurstöðu í máli stöku fótanna og rannsakaði hún málið. Hún fann út að verur sem búa á sjávarbotninum, til dæmis krabbar og rækjur, leita sér matar í hræjum og ráðast þá helst á þau svæði þar sem vefur hræsins er sem mýkstur. Á mannslíkamanum er svæðið í kringum ökklann kjörinn staður fyrir þessar hræætur.
Þegar verurnar hafa nagað sig í gegnum vefinn þá slíta þeir fæturna af restina af líkamanum en venjulega væri það ekki nægilegt fyrir fæturna að byrja að fljóta. Það er þó strigaskóm að þakka að þeir byrja að fljóta þar sem í flestum nútíma skóm eru loftbólur í sólunum sem láta skóna fljóta.
Lögreglunni hefur gengið vel að bera kennsl á fæturna en í öllum tilvikum er fólkið talið hafa látist af slysförum eða tekið sitt eigið líf.