Föstudagur 05.mars 2021
Pressan

Trump er ekki búinn að gefast upp – Hyggur á hefndir gagnvart samflokksfólki sínu

Kristján Kristjánsson
Þriðjudaginn 23. febrúar 2021 07:00

Donald Trump. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Frá því að Donald Trump flutti út úr Hvíta húsinu þann 20. janúar þegar hann lét af embætti forseta Bandaríkjanna hefur ekki mikið heyrst frá honum. Það er kannski ekki furða því Twitter hefur útilokað hann frá samfélagsmiðlinum en Twitter var helsta samskiptaleið Trump við stuðningsfólk sitt og umheiminn almennt. En það að lítið hafi heyrst frá Trump er ekki ávísun á að hann hafi setið með hendur í skauti, þvert á móti.

Politico segir að Trump hyggi á hefndir gagnvart flokkssystkinum sínum sem hann telur hafa svikið sig þegar þau greiddu atkvæði með því að hann yrði dreginn fyrir ríkisrétt í annað sinn. Um er að ræða 10 þingmenn flokksins.

Á laugardaginn var tilkynnt að Trump muni koma fram á ráðstefnunni Conservative Political Action Conference í Orlando í Flórída þann 28. febrúar og flytja ræðu. Þar mun hann ræða framtíð Repúblikanaflokksins og um íhaldsmenn almennt. Reiknað er með að Trump muni hnýta í stefnu Joe Biden, sitjandi forseta, í innflytjendamálum og landamæramálum og jafnvel fleiri málaflokkum.

Politico segir að ráðstefnan sé sögulega mikilvægur vettvangur fyrir vongóða Repúblikana sem hyggja á forsetaframboð. Af þeim sökum hefur því verið velt upp hvort Trump muni jafnvel skýra frá hvort hann hyggi á framboð í næstu forsetakosningum. The Hill hefur eftir einum ráðgjafa Repúblikanaflokksins að sá tími renni alltaf upp að sérhver Repúblikani sem hyggi á forsetaframboð verði að kanna hversu mikils stuðnings hann og boðskapur hans njóta og venjan sé að gera það á þessari ráðstefnu. Hún hafi verið fyrsta prófraunin á þessu sviði síðustu 40 árin.

Washington Post segir að Trump hafi beðið starfsfólk sitt um að kanna möguleikana á að stofna nýjan flokk. Segir blaðið að hann hafi beðið starfsfólk sitt um að finna 10 manns sem geti boðið sig fram gegn fyrrgreindum 10 Repúblikönum sem greiddu atkvæði með því að Trump yrði stefnt fyrir ríkisrétt í annað sinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Raðmorðingi fékk að kenna á eigin meðulum

Raðmorðingi fékk að kenna á eigin meðulum
Pressan
Fyrir 2 dögum

Trumphjónin voru bólusett í Hvíta húsinu í janúar

Trumphjónin voru bólusett í Hvíta húsinu í janúar
Pressan
Fyrir 3 dögum

Gerðu óhugnanlega uppgötvun í bangsa dóttur sinnar – Lögreglan varar fólk við

Gerðu óhugnanlega uppgötvun í bangsa dóttur sinnar – Lögreglan varar fólk við
Pressan
Fyrir 3 dögum

Risastór ísjaki brotnaði frá íshellunni á Suðurskautslandinu – Er stærri en New York

Risastór ísjaki brotnaði frá íshellunni á Suðurskautslandinu – Er stærri en New York
Pressan
Fyrir 4 dögum

Hvarf Madeleine McCann – Fann lögreglan eitthvað í brunni?

Hvarf Madeleine McCann – Fann lögreglan eitthvað í brunni?
Pressan
Fyrir 4 dögum

Þriðji hver 25 ára Stokkhólmsbúi er með mótefni gegn kórónuveirunni

Þriðji hver 25 ára Stokkhólmsbúi er með mótefni gegn kórónuveirunni