fbpx
Þriðjudagur 19.október 2021
Pressan

Telja sig nærri því að vita af hverjum líkamshlutarnir eru sem fundust í sorpbrennslunni í Ilulissat

Kristján Kristjánsson
Föstudaginn 8. október 2021 06:59

Lögreglustöðin i Nuuk. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Um síðustu helgi fannst hluti af líki í sorpbrennslunni í Ilulissat á Grænlandi og á þriðjudaginn fannst annar líkamshluti. Málið hefur að vonum vakið mikla athygli á Grænlandi og víðar og íbúum í Ilulissat, þar sem um 4.500 manns búa, stendur ekki á sama. Nú segist lögreglan telja sig vita af hverjum líkamshlutarnir eru. Fullvíst er talið að viðkomandi hafi verið ráðinn bani.

Lögreglumenn og réttarmeinafræðingar komu til Ilulissat á miðvikudaginn til að aðstoða við rannsókn málsins.

Ekstra Bladet segir að upplýsinga hafi verið leitað í Grænlandi og Danmörku um hvort einhvers sé saknað en án árangurs. Ljóst sé að líkamshlutarnir séu af karlmanni af grænlensku bergi brotnu. Haft er eftir Jan Lambertsen, yfirmanni grænlensku rannsóknarlögreglunnar, að lögreglan sé við það að geta slegið því föstu hvert fórnarlambið er. Aðeins sé eftir að ganga úr skugga um nokkur atriði áður en hægt verði að slá því alveg föstu af hverjum líkið er.

Hann sagði að margar ástæður geti verið fyrir að ekki hafi verið tilkynnt um hvarf hins látna. Nú sé veiðitímabilið í fullum gangi og margir séu því fjarverandi um langan tíma og því geti verið að fólk átti sig ekki á að einhvers sé saknað. Svo séu nokkrir heimilislausir og fleira geti einnig spilað inn í.

Haft er eftir honum að miðað við það sem hefur fundist í sorpbrennslunni þá sé ekkert sem bendir til að um slys sé að ræða og því sé gengið út frá því að um morð sé að ræða. Hann sagðist telja að næg gögn liggi nú fyrir til að slá því föstu hvernig viðkomandi lést.

Lögreglan er enn að fínkemba sorpbrennsluna í leit að líkamshlutum og sagðist hann vonast til að þeirri leit ljúki nú um helgina. Fara þarf í gegnum allt það sorp sem hefur safnast upp í brennslunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Kaldasti vetur sögunnar á Suðurskautinu

Kaldasti vetur sögunnar á Suðurskautinu
Pressan
Fyrir 2 dögum

Bóndi dæmdur í ævilangt fangelsi fyrir mannrán, nauðgun og morð

Bóndi dæmdur í ævilangt fangelsi fyrir mannrán, nauðgun og morð
Pressan
Fyrir 3 dögum

Góður fengur á Kastrupflugvelli – Tekinn með 70 milljónir króna í reiðufé

Góður fengur á Kastrupflugvelli – Tekinn með 70 milljónir króna í reiðufé
Pressan
Fyrir 3 dögum

Skelfilegt leyndarmál afhjúpað eftir 40 ár

Skelfilegt leyndarmál afhjúpað eftir 40 ár