92 ára maður í Devon á Englandi á Englandi hefur verið ákærður fyrir morð á 87 ára gamalli eiginkonu sinni.

Þann 19. apríl síðastliðinn voru viðbragðsaðilar kallaðir til að heimili hjónanna í bænum Exeter í Devon. Þar var hin 87 ára gamla Shirley Billam látin. Eiginmaður hennar, Laurence Billam, 92 ára, var strax grunaður um að hafa banað henni og var handtekinn á vettvangi.

Málið var þingfest við dómstól í Exeter í gær og tilkynnti dómari um að sakborningurinn myndi svara til um sekt eða sakleysi þann 28. maí næstkomandi. Aðalmeðferð, þ.e. réttarhöldin í málinu, verða í haust, þann 12. október.

Dómarinn lýsti yfir samúð sinni með ættingjum hinnar látnu en nokkrir í fjölskyldunni hafa þáð áfallahjálp vegna málsins.

Sjá nánar hér.