fbpx
Laugardagur 04.desember 2021
Pressan

Drottningin sögð pirruð á fólki sem „talar en gerir ekkert“

Kristján Kristjánsson
Föstudaginn 15. október 2021 08:00

Elísabet II er sögð þreytt á fólki sem talar bara en gerir ekkert. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Elísabet II, Bretadrottning, var í gær í Cardiff í Wales en þar var hún viðstödd setningu þings landsins. Samtal hennar við tengdadóttur hennar, Camillu hertogaynju af Cornwall, og Elin Jones, þingforseta, heyrðist í beinni útsendingu frá þingsetningunni. Heyrðist drottningin segja að hún væri „pirruð“ á fólki sem „talar en gerir ekkert“.

Drottningin var þarna að vísa til Cop26 loftslagsráðstefnunnar sem hefst í Glasgow í Skotlandi þann 31. október. Drottningin mun sækja hana ásamt fleiri meðlimum konungsfjölskyldunnar.

„Þetta er stórfurðulegt, er það ekki? Ég hef heyrt svo mikið um Cop . . . veit ekki enn hverjir koma. Ekki hugmynd. Við vitum bara um fólkið sem kemur ekki . . . Það er svo pirrandi þegar þeir tala en gera ekkert,“ sagði drottningin í samtalinu sem átt ekki að fara víðar.

Jones svaraði henni og sagði: „Einmitt. Það er kominn tími til að gera eitthvað . . . og ég horfði á sonarson þinn (Vilhjálm prins, innsk. blaðamanns) í sjónvarpinu í morgun þar sem hann sagði að það væri tilgangslaust að fara út í geim, að við verðum að bjarga jörðinni.“

Drottningin brosti og sagði: „Já, ég las um þetta.“

Vilhjálmur hefur fordæmt milljarðamæringa á borð við Elon Musk og Jeff Bezos fyrir að leggja áherslu á ferðir með ferðamenn út í geiminn og segir að þeir eigi frekar að beina sjónum sínum að umhverfisvandanum hér á jörðinni. „Við þurfum á gáfaðasta fólki heims að halda og einblína á hvernig við getum lagfært jörðina en ekki til að reyna að finna næstu plánetu til að búa á,“ sagði prinsinn.

Joe Biden, Bandaríkjaforseti, ætlar að sækja Cop26 en enn hafa engin svör borist frá Scott Morrison, forsætisráðherra Ástralíu, Xi Jinping, forseta Kína, Vladímír Pútín, forseta Rússlands, Narendra Modi, forsætisráðherra Indlands, né Jair Bolsonaro, forseta Brasilíu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Telja að Hæstiréttur Bandaríkjanna muni staðfesta þungunarrofslög Mississippi

Telja að Hæstiréttur Bandaríkjanna muni staðfesta þungunarrofslög Mississippi
Pressan
Í gær

Ætlar þú að taka þátt í Whamageddon fyrir jólin? – Mikil áskorun

Ætlar þú að taka þátt í Whamageddon fyrir jólin? – Mikil áskorun
Pressan
Fyrir 2 dögum

Varar við minni virkni bóluefna gegn Ómíkron

Varar við minni virkni bóluefna gegn Ómíkron
Pressan
Fyrir 2 dögum

Þetta segir læknir að þú eigir að gera ef þú hefur áhyggjur af Ómíkrón afbrigðinu

Þetta segir læknir að þú eigir að gera ef þú hefur áhyggjur af Ómíkrón afbrigðinu
Pressan
Fyrir 2 dögum

Þrír nemendur skotnir til bana og átta særðir

Þrír nemendur skotnir til bana og átta særðir
Pressan
Fyrir 3 dögum

Bretar ætla að gefa fjórða skammtinn af bóluefni gegn kórónuveirunni

Bretar ætla að gefa fjórða skammtinn af bóluefni gegn kórónuveirunni
Pressan
Fyrir 3 dögum

Íbúð til leigu á 120 krónur á mánuði!

Íbúð til leigu á 120 krónur á mánuði!
Pressan
Fyrir 3 dögum

Átti erfitt með þvaglát – Ástæðan kom læknum gríðarlega á óvart

Átti erfitt með þvaglát – Ástæðan kom læknum gríðarlega á óvart