Föstudagur 05.mars 2021
Pressan

Harmleikur í Þýskalandi – Létu ekki vita af COVID-19 veikindum sínum og létust

Kristján Kristjánsson
Þriðjudaginn 26. janúar 2021 05:46

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í Munkenreuth, sem er norðaustan við Nürnberg, fundust mæðgin látin á heimili sínu á jóladag. Þau höfðu látist af völdum COVID-19 en höfðu ekki gert neinum viðvart um að þau væru veik.

Móðirin, sem var 76 ára, fannst í rúmi sínu á efri hæð hússins en sonurinn, 54 ára, fannst í hægindastól á neðri hæðinni. Bild skýrir frá þessu.

Rúmlega 52.000 hafa látist af völdum COVID-19 í Þýskalandi en andlát mæðginanna hefur vakið meiri athygli en flest önnur dauðsföll af völdum veirunnar þar í landi vegna hinna sérstöku kringumstæðna.

Réttarmeinafræðileg rannsókn á líkunum leiddi í ljós að mæðginin létust af völdum COVID-19. Útilokað er að um slys, sjálfsvíg eða afbrot hafi verið að ræða.

Það var áhyggjufullur vinur mæðginanna sem bað nágranna um að kanna með þau þegar hann náði ekki sambandi við þau. Nágrannar höfðu heldur ekki séð þau um hríð en töldu að allt væri í lagi því ljós í húsinu kviknuðu á hverju kvöldi. En ljósin voru tímastillt.

Þegar nágranni fór að húsinu með vasaljós og lýsti inn í stofuna sá hann soninn lífvana í hægindastólnum. Lögreglan braut sér leið inn í húsið og fann mæðginin látin. Sonurinn var með dagblað hjá sér og út frá dagsetningunni á því og því sem var í póstkassanum og ruslinu komst lögreglan að þeirri niðurstöðu að þau hafi verið látin í um 10 daga þegar þau fundust.

Sonurinn starfaði hjá skipulagsyfirvöldum á svæðinu en þar hafði enginn saknað hans því hann vann heima eins og svo margir aðrir gera þessi misserin.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Raðmorðingi fékk að kenna á eigin meðulum

Raðmorðingi fékk að kenna á eigin meðulum
Pressan
Fyrir 2 dögum

Trumphjónin voru bólusett í Hvíta húsinu í janúar

Trumphjónin voru bólusett í Hvíta húsinu í janúar
Pressan
Fyrir 3 dögum

Gerðu óhugnanlega uppgötvun í bangsa dóttur sinnar – Lögreglan varar fólk við

Gerðu óhugnanlega uppgötvun í bangsa dóttur sinnar – Lögreglan varar fólk við
Pressan
Fyrir 3 dögum

Risastór ísjaki brotnaði frá íshellunni á Suðurskautslandinu – Er stærri en New York

Risastór ísjaki brotnaði frá íshellunni á Suðurskautslandinu – Er stærri en New York
Pressan
Fyrir 4 dögum

Hvarf Madeleine McCann – Fann lögreglan eitthvað í brunni?

Hvarf Madeleine McCann – Fann lögreglan eitthvað í brunni?
Pressan
Fyrir 4 dögum

Þriðji hver 25 ára Stokkhólmsbúi er með mótefni gegn kórónuveirunni

Þriðji hver 25 ára Stokkhólmsbúi er með mótefni gegn kórónuveirunni