fbpx
Fimmtudagur 27.janúar 2022
Pressan

Frakkar hóta að loka fyrir rafmagn til Jersey vegna fiskveiðideilu

Kristján Kristjánsson
Miðvikudaginn 5. maí 2021 07:45

Frá Jersey. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Frakkar eru reiðubúnir til að loka fyrir rafmagn til bresku eyjunnar Jersey, sem er rétt undan strönd Frakklands, ef Bretar fara ekki eftir ákvæðum Brexit um fiskveiðar. Þetta sagði Annick Girardin, sjávarútvegsráðherra Frakka, í gær.

Hún sagði franska þinginu þá að Frakkar væru reiðubúnir til að beita þeim refsiákvæðum sem Brexitsamningurinn heimilar þeim að beita.  Hún sagði að stjórnvöld á Jersey, sem gáfu út 41 veiðileyfi fyrir franska báta og skip þann 30. apríl, hafi sett einhliða takmarkanir á veiðarnar.

„Hvað varðar Jersey, þá minni ég á að til dæmis er rafmagn flutt þangað með neðansjávarkapli. Við höfum úrræði og þótt það verði sorglegt að ná þeim punkti, þá munum við gera það ef þörf krefur,“ sagði Girardin.

Jersey er sjálfstjórnarsvæði undir bresku krúnunni og er aðeins um 20 km undan strönd Frakklands.

Rúmlega 95% af rafmagni eyjaskeggja er keypt frá Frakklandi og flutt um neðansjávarstrengi.

Í yfirlýsingu frá Ian Gorst, ráðherra utanríkismála á Jersey, segir að stjórnvöld þar hafi fengið upplýsingar frá Frakklandi og ESB um að aðilarnir séu ósáttir við þau skilyrði sem yfirvöld á Jersey hafi sett fyrir veiðileyfum og fiskveiðum almennt. „Slíkar kvartanir eru teknar mjög alvarlega og stjórnvöld munu bregðast við þeim,“ segir í yfirlýsingunni að sögn CNN. Einnig kemur fram í henni að stjórnvöld á Jersey hafi gert þetta í góðri trú í samræmi við leiðbeiningar lögmanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Presturinn átti sér leyndarmál í kjallaranum

Presturinn átti sér leyndarmál í kjallaranum
Pressan
Fyrir 2 dögum

James Webb-geimsjónaukinn er kominn á áfangastað

James Webb-geimsjónaukinn er kominn á áfangastað
Pressan
Fyrir 2 dögum

Fjárþurfi prins selur skíðakofann sinn til að greiða lögmannskostnað vegna barnaníðsmáls

Fjárþurfi prins selur skíðakofann sinn til að greiða lögmannskostnað vegna barnaníðsmáls
Pressan
Fyrir 2 dögum

Sænskur prestur fær reynslulausn – Dæmdur fyrir aðild að morði

Sænskur prestur fær reynslulausn – Dæmdur fyrir aðild að morði
Pressan
Fyrir 3 dögum

Vísindamenn gera út af við algenga mýtu um svefn

Vísindamenn gera út af við algenga mýtu um svefn
Pressan
Fyrir 3 dögum

Tíu hlutir sem þú þværð örugglega aldrei en ættir að þvo

Tíu hlutir sem þú þværð örugglega aldrei en ættir að þvo
Pressan
Fyrir 4 dögum

Enn fækkar barnsfæðingum í Kína – Tíðnin hefur ekki verið lægri í 61 ár

Enn fækkar barnsfæðingum í Kína – Tíðnin hefur ekki verið lægri í 61 ár
Pressan
Fyrir 4 dögum

Lögreglan var viss um að hafa fundið morðingja stúlknanna – En málið tók óvænta og banvæna stefnu

Lögreglan var viss um að hafa fundið morðingja stúlknanna – En málið tók óvænta og banvæna stefnu