Á sunnudaginn drukknuðu átta börn í Sichuan-héraði í Kína. Eitt barnanna datt í ána Fu sem er um 700 km löng. Hin sjö stukku þá út í til að reyna að bjarga barninu. Þetta endaði síðan á þann hörmulega hátt að öll börnin drukknuðu.

Þau voru á aldrinum 6 til 11 ára að sögn ABC News. Börnin höfðu verið að leik við árbakkann þegar fyrsta barnið endaði í ánni. Lík þeirra fundust á mánudaginn.

Börnin voru öll frá bænum Mixin. Vont veður var á þessum slóðum á sunnudag og mánudag, meðal annars úrhellisrigning. Ekki er vitað hvort það hafi átt hlut að máli.