Það er dr. Leif Rogers, sem er þekktur lýtalæknir í Beverly Hills, sem hefur tekið nýja aðferð í gagnið fyrir þá sjúklinga sem dreymir um að yngjast í útliti. Hann notar efni sem heitir Reneva en það er unnið úr fituvef látins fólks.
„Til að segja það eins og það er þá er Reneva unnið úr vef mannslíka sem hefur verið ánafnað til verksins. Þegar við eldumst missum við oft fyllinguna í kinnum og undir augunum og því vilja margir láta sprauta einhverju inn sem eykur fyllinguna því það lætur okkur líta út fyrir að vera yngri.“
Segir Rogers um þetta en margar stjörnur eru á meðal viðskiptavina hans.
Fituvefurinn dugir lengur en önnur efni og þykir því henta vel.
Rogers segir að sá munur sé á að nota vef úr látnu fólki að hann örvi framleiðslu fitufruma í líkama sjúklingsins. Það gerist ekki þegar notuð er fita sem tekin af öðrum líkamshluta sjúklingsins. Til dæmis þegar fita er sogin úr lærum eða mitti til að nota í andlit, afturenda eða í brjóstin.
