fbpx
Þriðjudagur 24.nóvember 2020
Pressan

Önnur bylgja Covid-19 í Svíþjóð – 8 manna samkomutakmörk

Heimir Hannesson
Mánudaginn 16. nóvember 2020 14:20

mynd/ABC

Ekki missa af Helstu tíðindum dagsins í pósthólfið þitt

Lesa nánar

Önnur bylgja af Covid-19 virðist nú farin af stað af nokkrum krafti í Svíþjóð. Stefan Löfven, forsætisráðherra Svíþjóðar, kynnti hertar takmarkanir á blaðamannafundi rétt í þessu.

Frá og með 24. nóvember mega aðeins 8 manns koma saman og biðlaði Löfven til Svía: „Ekki fara í ræktina, ekki fara á bókasafnið, ekki bjóða fólki í mat.“ Hámarksfjöldi á samkomum í dag í Svíþjóð er 50. Nýjar takmarkanir munu gilda í 4 vikur, og verður því að óbreyttu aflétt aðeins nokkrum dögum fyrir jól.

SVT sagði frá.

42 hafa látið lífið í Svíþjóð síðan í gær og hafa samtals 6.164 látist þar af völdum Covid-19. Ný smit í gær voru 5.990 í gær og eru 137 á gjörgæslu.

Takmarkanir í Svíþjóð, þar á meðal nýtilkynnt 8 manna samkomubann, hafa gilt og munu áfram aðeins gilda um opinberar samkomur, tónleika, íþróttaviðburði, mótmæli, fyrirlestra o.s.frv. Takmarkanir gilda ekki um einkaviðburði svo sem viðburði á vegum fyrirtækja, í heimahúsum eða jarðarfarir. Þá eru líkamsræktarstöðvar, sundlaugar, bókasöfn, veitingastaðir, skólar, almenningssamgöngur og verslunarmiðstöðvar áfram undanþegnar 8 manna takmarkinu en, sem áður sagði, biðlar forsætisráðherrann nú til almennings að fara varlega og huga að persónulegum sóttvörnum, og heimsækja opinbera staði eins lítið og hægt er.

Svíar hafa hægt og rólega verið að herða aðgerðir eftir því sem smitum fjölgar í landinu síðustu vikur. Fyrir helgi bannaði ríkisstjórnin sölu áfengis á veitingastöðum eftir klukkan 10 á kvöldin, og hafa samtök veitingamanna þar í landi lýst yfir efasemdum um lagastoð fyrir þeirri ákvörðun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fyrir 4 dögum

Aldrei sama vindáttin í nokkra daga

Aldrei sama vindáttin í nokkra daga
Pressan
Fyrir 4 dögum

Flugvallarstjóri telur að farþegar þurfi að fara í kórónuveirupróf næstu árin

Flugvallarstjóri telur að farþegar þurfi að fara í kórónuveirupróf næstu árin
Pressan
Fyrir 4 dögum

Endurtalningu er lokið í Georgíu – Úrslitin standa

Endurtalningu er lokið í Georgíu – Úrslitin standa
Pressan
Fyrir 4 dögum

Hörð gagnrýni á „The Crown“ – Segir að þættirnir stefni konungdæminu í hættu

Hörð gagnrýni á „The Crown“ – Segir að þættirnir stefni konungdæminu í hættu