fbpx
Þriðjudagur 24.nóvember 2020
Pressan

Öfgahægrisinnar kaupa fasteignir í gamla Austur-Þýskalandi

Kristján Kristjánsson
Sunnudaginn 25. október 2020 22:30

Þýskir nýnasistar safnast saman. Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Þýskir öfgahægrisinnar vilja koma sér upp skrifstofum á landsbyggðinni. Nú kaupa þeir fasteignir eða leigja í dreifbýli í því sem eitt sinn var Austur-Þýskaland. Í heildina eru nýnasistar og aðrir hópar öfgahægrisinna með 146 fasteignir á leigu eða eiga þær. Í þessum fasteignum halda þeir fundi, tónleika, skemmtanir, stunda bardagaíþróttir og breiða út lygar um atburði fortíðarinnar. Einnig hvetja þeir til ofbeldisverka. Allt án þess að fjölmiðlar eða lögreglan trufli starfsemina.

Í Sachsen segja yfirvöld að öfgahægrimenn eigi nú 23 byggingar og leigi fjórar til viðbótar. Óttast yfirvöld í fylkinu að þetta geti haft í för með sér „samþjöppun öfgahægrisinnaðra fjölskyldna í litlum bæjum“. Leyniþjónusta fylkisins er einnig áhyggjufull en í skýrslu hennar frá 2018 kemur fram að eignir öfgahægrimannanna í Sachsen séu „mikilvægar starfsstöðvar“ samtaka þeirra til langs tíma litið. Út frá þeim munu þeir reyna að breiða hugmyndafræði sína út sagði Dirk-Martin Christian, yfirmaður leyniþjónustu Sachsen, í samtali við Frankfurter Allgemeine Zeitung.

Samtök öfgahægrimanna reyna að fá ungt fólk til liðs við sig, til dæmis með því að bjóða upp á bardagaíþróttir.

„Þar eiga ungir karlmenn, sem hafna ríkisvaldinu og samfélaginu, að þjálfast leynilega til að berjast gegn lýðræðinu okkar,“

sagði Dirk-Martin Christian.

Í Thüringen, nágrannafylki Sachsen, eiga öfgahægrimenn minnst 25 fasteignir að sögn Christopher Lammert, talsmanns Mobit sem eru samtök sem ráðleggja leigusölum og fasteignaeigendum ef öfgahægrimenn vilja komast inn á fasteignamarkaðinn. Hann telur að það mikilvægasta fyrir öfgahægrimenn sé að hafa fasteignir til umráða þar sem þeir geta haldið tónleika og haft aðra viðburði sem blaðamenn og fréttamenn komast ekki inn á. Þá er ekki hægt að staðfesta hvað fer fram, til dæmis hvort hvatt sé til ofbeldisverka. Einnig er mikilvægt að hafa umráð yfir fasteignunum til að samtök öfgahægrimanna geti sjálf hirt allan aðgangseyri og stundum snýst þetta um peningaþvætti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fyrir 3 dögum

Aldrei sama vindáttin í nokkra daga

Aldrei sama vindáttin í nokkra daga
Pressan
Fyrir 3 dögum

Flugvallarstjóri telur að farþegar þurfi að fara í kórónuveirupróf næstu árin

Flugvallarstjóri telur að farþegar þurfi að fara í kórónuveirupróf næstu árin
Pressan
Fyrir 4 dögum

Endurtalningu er lokið í Georgíu – Úrslitin standa

Endurtalningu er lokið í Georgíu – Úrslitin standa
Pressan
Fyrir 4 dögum

Hörð gagnrýni á „The Crown“ – Segir að þættirnir stefni konungdæminu í hættu

Hörð gagnrýni á „The Crown“ – Segir að þættirnir stefni konungdæminu í hættu