Johnson og Íhaldsflokkur hans unnu stóran sigur í þingkosningunum í síðasta mánuði og er flokkurinn með góðan meirihluta á þinginu. Johnson hefur lofað að auka fjárfestingar í norðurhluta Englands en þar hefur orðið mikill samdráttur í iðnaði síðan fjármálakreppan skall á 2008.
The Sunday Times segir að Johnson hafi nú þegar gefið fyrirmæli um að undirbúningur að flutningi deildarinnar skuli hafinn. Hann er sagður vilja halda í þann mikla stuðning sem flokkur hans nýtur nú í norðurhluta landsins og sé flutningur efri deildarinnar liður í því.
Blaðið segir að til greina komi að hýsa efri deildina í opinberri byggingu sem er nærri lestarstöðinni í York. Á eftir York er Johnson sagður renna hýru auga til Birmingham sem er næststærsta borg Bretlands.
742 þingmenn eiga sæti í efri deildinni en þeir eru flestir tilnefndir til setu þar af forsætisráðherranum.