People skýrir frá þessu. Segir blaðið að Bucy hafi verið handtekin í júní vegna málsins. Í tilkynningu sem hún sendi frá sér segist hún sjá eftir því sem gerðist og að hún telji þetta ekki endurspegla þá persónu sem hún er og að svona lagað muni aldrei gerast aftur.
Við yfirheyrslur sagði hún lögreglunni að hún hefði stundað kynlíf með piltinum þegar hann var 17 ára árið 2017. Það gerðist skömmu eftir að hún byrjaði að kenna honum. Hún játaði einnig að hafa sent honum óviðeigandi skilaboð og að hafa keypt rafrettur og hass handa honum.
Hún sagði einnig að pilturinn hefði líkst eiginmanni hennar svo mikið og ekki nóg með það því hann hefði einnig verið eins í framkomu.
Auk fangelsisdómsins verður nafn hennar sett á skrá yfir kynferðisbrotamenn en það þýðir að hún þarf að mæta til skráningar hjá yfirvöldum á þriggja mánaða fresti til æviloka.
Foreldrar piltsins kröfðust þess að Bucy yrði dæmd í fangelsi.
„Þú hefur algjörlega eyðilagt þennan pilt. Við óttumst að hann verði aldrei samur á nýjan leik.“
Faðirinn sagði einnig að pilturinn hafi átt mjög erfitt eftir þetta því hann mátti ekki skýra frá því að hann hefði stundað kynlíf með Bucy því hún gæti þá misst vinnuna og börnin sín.
Móðir hans lagði áherslu á að pilturinn muni ekki geta upplifað eðlilegt kynlíf eftir ofbeldið.