„Þetta er eins og þáttur í þáttaröðinni um Chernobyl þar sem kjarnakljúfurinn er að bráðna og fólk reynir að finna út hvort það eigi að hylma yfir það eða hreinsa upp. Mér finnst að við eigum að hreinsa til.“
Sagði Scaramucci sem þrátt fyrir ansi stuttan feril sem toppráðgjafi í Hvíta húsinu náði að setja allt á annan endann áður en hann fékk sparkið.
Í símtali við fréttamanninn Ryan Lizza valtaði hann yfir nánast allt starfslið Trump en gleymdi að taka fram að þetta mætti ekki hafa eftir honum, væru trúnaðarupplýsingar sem hann léti fréttamanninum í té. En Lizza skrifaði orðrétta frétt eftir ummælum Scaramucci og birti í The New Yorker.
Interviewing Anthony “The Mooch” Scaramucci about his wild 6 days as the communications director in the Trump White House – telling me the president is now in ‘full blown meltdown mode…like Chernobyl’. Watch our full interview with @Scaramucci here: https://t.co/HEIuHn6cD8 pic.twitter.com/SOmJiKBQ5W
— Todd van der Heyden (@ToddCTV) September 6, 2019
Hann er nú í Kanada og hefur rætt við fjölmarga fjölmiðla þar í landi um Trump. Hann segir andlega getu hans vera á afturhaldi og hann efast um að Trump geti staðið orrahríðina af sér fram að næstu kosningum. Hann telur sífellt minni líkur á að Trump nái endurkjöri. Sjálfur leggur hann nótt við dag til að reyna að koma í veg fyrir að Trump nái endurkjöri og styður dyggilega við bakið á þeim sem bjóða sig fram gegn honum í forvali repúblikanaflokksins.