Ótrúlegt atvik náðist á eftirlitsmyndavélar í brasilísku borginni Flores da Cunha á dögunum. Á því má sjá þegar gríðarstór hola (e. sinkhole) opnaðist á einni af götum borgarinnar.
Eins og meðfylgjandi myndband ber með sér ók að minnsta kosti einn bíll ofan í holuna. Í bifreiðinni voru kona og ung dóttir hennar sem slösuðust sem betur fer ekki alvarlega. Andartaki áður hafði stórum vörubíl verið ekið um götuna og opnaðist holan örskömmu síðar.
Móðirin, Vanessa Cavagnoli, nefbrotnaði þó í slysinu og dóttir hennar hlaut minniháttar áverka.