Í fréttaskýringaþættinum „60 Minutes“ sagði hann að honum finnist ójöfnuðurinn vera orðinn mikið vandamál.
„Þeir ríku eru orðnir ríkari en millistéttin hefur staðið í stað síðustu 15 árin. Þetta er ekki gott fyrir Bandaríkin.“
Sagði hann.
Þessi ummæli hans komu eftir að Elizabeth Warren, sem sækist eftir að verða forsetaframbjóðandi demókrata á næsta ári, réðst harkalega á ríkustu Bandaríkjamennina, þar á meðal milljarðamæringa, fjárfesta og Leon Cooperman forstjóra vogunarsjóðs.
Dimon sagði að það væru sérstaklega þeir sem væru á lægri enda tekjulistanna sem hefðu verið skildir eftir. Hann sagði að hugsanlega væri hægt að draga úr misskiptingunni með því að breyta lágmarkslaunum og beina skattalækkunum að millistéttinni og lágt launuðum.
Hann vísar því þó á bug að hans eigin laun skipti máli í umræðunni þar sem hann ráði engu um þau, það sé stjórn bankans sem ákvarði þau.