Á föstudaginn voru hjón um áttrætt í gönguferð nærri heimili sínu í Lauderhill í Fort Lauderdale í Flórída. Skyndilega réðist gaupa á þau.

Gaupur eru mjög útbreiddar í Norður-Ameríku en ekki er algengt að þær ráðist á fólk. Konan varð illa fyrir barðinu á dýrinu og er í lífshættu. Maður hennar reyndi að koma henni til bjargar en varð lítið ágengt í baráttunni við dýrið. Hann meiddist mun minna.

Konan missti nærri fingur og hlaut marga áverka. Málið verður nú rannsakað betur af yfirvöldum.