Að minnsta kosti 15 manns létust þegar Boeing 707 flugvél hrapaði nærri Fath flugvellinum vestan við Teheran í Íran í morgun. Fregnir herma að flugmenn vélarinnar hafi ruglast á flugvöllum í því slæma veðri sem var á slysstað. Vélin, sem var herflutningavél, hrapaði á íbúðabyggð. Mikið eldhaf braust út á slysstað.

16 voru um borð í vélinni og létust þeir allir nema einn. Vélin var að koma frá Kirgistan með kjöt. Í fyrstu var talið að allir um borð hefðu látist en síðan bárust fréttir af því að flugvélstjórinn hefði lifað af og verið fluttur á sjúkrahús, ekki er vitað um ástand hans.

Mörg hús skemmdust eða eyðilögðust en ekki er enn ljóst hvort fólk var í þeim þegar vélin hrapaði. Björgunarmenn eru enn að störfum á slysstað.