Niðurstaða raunhæfismats er það að verið útilistaverkið Pálmatré, sem eigi að rísa í Vogabyggð, sé framkvæmanlegt. Hins vegar þurfi að minnka verkið og setja aðeins upp annað tréð.
Áheyrnarfulltrúi Flokks fólksins í menningar, íþrótta og tómstundaráði Reykjavíkurborgar spurðist fyrir um raunhæfismat á útilistaverkinu, sem tilkynnt var árið 2019. Það er að reisa ætti tvo glerhjúpa með pálmatrjám á Vörputorgi í hinu nýja hverfi.
Í svari Ólafar Kristínar Sigurðardóttur, safnstjóra Listasafns Reykjavíkur, segir að niðurstaða matsins sé sú að verkið sé framkvæmanlegt. Hins vegar hefur orðið kostnaður vegna gengisbreytingar og fleira valdið því að minnka þurfi verkið og setja aðeins upp annað af þeim tveimur trjám sem ráðgerð voru. Búið sé að hafa samband við höfund verksins, Karin Sander, út af af þessu.
„Gert er ráð fyrir að framkvæmdin við gerð verksins, þ.m.t. að planta trénu, fylgi frágangi opinna svæða í hverfinu og er hönnun torgsins og uppbygging háð annarri uppbyggingu á svæðinu en nú er unnið að hönnun brúar sem koma á inn á torgið og hefur talsverð áhrif á rými þess,“ segir í svari Ólafar.
