fbpx
Þriðjudagur 19.mars 2019

DV - Frjáls og óháður miðill

Fókus

Carrie Fisher og Mark Hamill verða í næstu Stjörnustríðsmynd

Tómas Valgeirsson
Laugardaginn 28. júlí 2018 10:57

Ekki missa af Helstu tíðindum dagsins í pósthólfið þitt

Lesa nánar

Mikil eftirvænting ríkir fyrir nýjasta kaflanum í Star Wars-myndabálkinum en nú er búið að staðfesta að bæði Carrie Fisher og Mark Hamill verði á meðal leikenda.

Tökur hefjast í Lundúnum í næstu viku en ekki er búið að gefa upp formlegan titil á níunda kaflanum. J.J. Abrams leikstýrir en hann sat einnig við stjórnvölinn við gerð sjöundu myndarinnar í Skywalker-sagnabálkinum, The Force Awakens, sem kom út árið 2015.

Fisher lést í desember 2016 og hafa verið miklar vangaveltur um það hvernig aðkoma hennar að næstu mynd verði í ljósi andlátsins.

Hafði hún lokið tökum á áttunda kaflanum, The Last Jedi, þegar hún lést en sögur herma að Abrams og framleiðsluteymi hans ætli að styðjast við ónotaðar tökur úr The Force Awakens.

Aldrei hafi komið til greina að endurskapa persónuna með aðstoð tölvutækni, líkt og var gert til þess að sýna unga Leiu prinsessu í hliðarsögunni Rogue One.

Dóttir Fisher, Billie Lourd, hefur sjálf komið fram í undanförnum köflum seríunnar og er sögð hafa gefið þessari tilhögun blessun sína.

Á annan veg má gera ráð fyrir Luke Skywalker á ný og er Hamill staðfestur til endurkomu. Einnig mega aðdáendur gera ráð fyrir endurfundum við Lando Calrissian, leiknum af Billy Dee Williams.

Með helstu hlutverk í níunda kaflanum fara Daisy Ridley (Rey), Adam Driver (Kylo Ren), John Boyega (Finn), Oscar Isaac (Poe) auk Kelly Marie-Tran (Rose Tico).

Má síðan búast við leikkonunni Keri Russell í enn ótilgreindu hlutverki en henni muna sjálfsagt einhverjir eftir úr þáttaröðinni Felicity á sínum tíma. Þess má geta einnig að breski leikarinn Richard E. Grant er staðfestur á meðal leikenda. Grant fór meðal annars mjög eftirminnilega með hlutverk skúrksins í költ-myndinni Hudson Hawk auk þess að leika skapstóran umboðsmann Kryddpíanna í myndinni Spice World.

Áætlað er að frumsýna Star Wars: Episode IX í kringum jólin 2019 og verður þá Skywalker-sagabálknum lokað.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

María og Ingileif opna sig: „Mælikvarðinn á það að vera gott foreldri snýst ekki um að það séu bæði karl og kona á heimilinu”

María og Ingileif opna sig: „Mælikvarðinn á það að vera gott foreldri snýst ekki um að það séu bæði karl og kona á heimilinu”
Fókus
Fyrir 2 dögum

Ingileif og María vilja útrýma fordómum gegn samkynhneigðum foreldrum – Ræða opinskátt um meðgönguna

Ingileif og María vilja útrýma fordómum gegn samkynhneigðum foreldrum – Ræða opinskátt um meðgönguna
Fókus
Fyrir 2 dögum

Jóhann hefur myndað akstursíþróttir í áratugi

Jóhann hefur myndað akstursíþróttir í áratugi
Fókus
Fyrir 2 dögum

Frægir Íslendingar á fermingardaginn

Frægir Íslendingar á fermingardaginn
Fókus
Fyrir 3 dögum

Yfirheyrslan – Sigurður Þ. Ragnarsson: „Ég get orðið fjári reiður ef mér misbýður“

Yfirheyrslan – Sigurður Þ. Ragnarsson: „Ég get orðið fjári reiður ef mér misbýður“
Fókus
Fyrir 3 dögum

5 sem hefðu getað tekið við sem dómsmálaráðherra

5 sem hefðu getað tekið við sem dómsmálaráðherra
Fókus
Fyrir 4 dögum

Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“

Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“
Fókus
Fyrir 4 dögum

Fókus býður í bíó – Þorir þú á eina umtöluðustu hrollvekju ársins?

Fókus býður í bíó – Þorir þú á eina umtöluðustu hrollvekju ársins?