fbpx
Mánudagur 21.október 2019  |

DV - Frjáls og óháður miðill

Fókus

Una og Unnur Ösp ræða Dúkkuheimili – Frumsýnt í kvöld

Ragna Gestsdóttir
Föstudaginn 21. september 2018 12:30

Dúkkuheimili, annar hluti

Ekki missa af Helstu tíðindum dagsins í pósthólfið þitt

Lesa nánar

Önnur frumsýning Borgarleikhússins á þessu leikári er í kvöld kl. 20, en þá er Dúkkuheimili, annar hluti sýnt á Nýja sviðinu. Leikritið er eftir bandaríska verðlaunaskáldið Lucas Hnath.

Leikritið er hnyttin rannsókn á samskiptum, hlutverkum kynjanna og ólíkum hugmyndum um ástina, hjónabandið og skuldbindingar. Unnur Ösp Stefánsdóttir og Hilmir Snær Guðnason leika aðalhlutverkin eins og í Dúkkuheimili Ibsens sem sló í gegn í Borgarleikhúsinu ekki alls fyrir löngu.

Sú sýning var margverðlaunuð á Grímunni árið 2015. Í lokasenu leikritsins, sem frumsýnt var í Kaupmannahöfn í desember árið 1879, tekur Nóra Helmer þá afdrifaríku ákvörðun að yfirgefa eiginmann og börn og hefja nýtt líf. Þessi hápunktur verksins – þegar Nóra skellir aftur hurðinni – þeytti evrópsku leikhúsi og samfélagsumræðu inn í nútímann ef svo mætti segja. Í Dúkkuheimili, öðrum hluta, hafa liðið fimmtán ár frá hurðarskellinum fræga. Nú er bankað á þessar sömu dyr – Nóra er snúin aftur.

Dúkkuheimili, 2. hluti, var tilnefnt til 8 Tony-verðlauna árið 2017, meðal annars sem besta leikritið.

Í myndbandinu ræða Una Þorleifsdóttir, leikstjóri, og Unnur Ösp Stefánsdóttir, leikkona, um verkið.

Í kvöld er leikritið einnig frumsýnt í Borgarleikhúsinu í Stokkhólmi. Það er evrópufrumsýning leikritsins, einungis þremur klukkustundum áður en það er frumsýnt í Borgarleikhúsinu í Reykjavík.

Auk þeirra Hilmis Snæs og Unnar Aspar leika Ebba Katrín Finnsdóttir og Margrét Helga Jóhannsdóttir í sýningunni. Salka Guðmundsdóttir þýddi á íslensku. Leikstjóri er Una Þorleifsdóttir, Börkur Jónsson sér um leikmynd, Stefanía Adolfsdóttir um búninga, Björn Bergsteinn Guðmundsson lýsir, Una Sveinbjarnardóttir semur tónlist, Sveinbjörg Þórhallsdóttir er danshöfundur, Guðbjörg Ívarsdóttir sér um leikgervi og Garðar Borgþórsson annast hljóð.

Nánari upplýsingar um sýninguna má finna hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Auglýsingaherferð Gallerí 17 harðlega gagnrýnd – „Mér blöskrar hversu mörgum finnst þetta freistandi“

Auglýsingaherferð Gallerí 17 harðlega gagnrýnd – „Mér blöskrar hversu mörgum finnst þetta freistandi“
Fókus
Fyrir 3 dögum

Siggu Maiju barst undarlegt símtal eftir að myndin fór á flug

Siggu Maiju barst undarlegt símtal eftir að myndin fór á flug
Fókus
Fyrir 5 dögum

Gunnar Smári sá Breaking Bad-myndina: „Hvílík tímasóun, flatneskja og leiðindi“

Gunnar Smári sá Breaking Bad-myndina: „Hvílík tímasóun, flatneskja og leiðindi“
Fókus
Fyrir 5 dögum

Uppboð haldið til styrktar þriggja ára stúlku sem berst fyrir lífi sínu – Ronju er haldið sofandi í öndunarvél

Uppboð haldið til styrktar þriggja ára stúlku sem berst fyrir lífi sínu – Ronju er haldið sofandi í öndunarvél