Mikið hefur dregið úr umsvifum á íslenskum fasteignamarkaði upp á síðkastið og töluvert er um að verð íbúða lækki í söluferli. Á meðan markaðurinn er rólegur þá bíða margir þess færis að láta draum sinn rætast um að eignast einbýlishús.
Ódýrustu einbýlishúsin á Íslandi í dag kosta á bilinu 11 til 30 milljónir króna, hér má sjá yfirlit yfir þau ódýrustu. Hafa ber í huga að flest húsin þurfa á laghentum eiganda að halda.
Fjarðarvegur, Þórshöfn
Stærð: 83 fermetrar
Byggingarár: 1956
Verð: 10,8 milljónir
Ódýrsta einbýlishúsið á Íslandi í dag er fjögurra herbergja og staðsett á Þórshöfn. Tekið er fram að við sjónskoðun sé ljóst að eignin þurfi viðhald og ekki sé vitað um ástand vatns, fráveitu og raflagna.
Hafnarbyggð, Vopnafirði
Stærð: 92 fermetrar
Byggingarár: 1946
Verð: 16,8 milljónir
Húsinu er lýst sem þægilegt einnar hæðar einbýli sem leyni á sér hvað stærð varðar. Tekið er fram að umhverfi hússins sé fallegt og sjórinn handan götunnar. Rúmgott eldhús og fjögur svefnherbergi.
Snæfellsás, Hellissandi
Stærð: 97 fermetrar
Byggingarár: 1930
Verð: 19,8 milljónir
Tveggja hæða hús á stórri lóð, sérinngangur í kjallara að aftan. Þrjú svefnherbergi. Tekið er fram að húsið gæti hentað vel sem sumarhús.
Aðalgata, Sauðárkróki
Stærð: 155 fermetrar
Byggingarár: 1897
Verð: 15 milljónir
Tveggja hæða hús í miðbæ Sauðárkróks. Það þarfnast verulegs viðhalds en þakið var endurnýjað fyrir nokkrum árum. Þar sem húsið er svo gamalt þá má ekki raska því nema með leyfi Minjastofnunar en það má halda því við og mála.
Hafnargata, Bakkafirði
Stærð: 91 fermetrar
Byggingarár: 1990
Verð: 14,9 milljónir
Húsið var áður pósthúsið í bænum en er núna tvær íbúðir, ein 64 fermetra og með möguleika á annarri 28 fermetra, salerni í báðum rýmum. Stórt steypt bílastæði fyrir utan,
Lindargata, Sauðárkróki
Stærð: 71 fermetri
Byggingarár: 1954
Verð: 22 milljónir
Húsið skiptist í tvö herbergi, baðherbergi, eldhús, stofu og forstofu, tekið er fram að forstofan lekur. Nýrri hluti hússins var byggður 1970, þak á þeim hluta var endurnýjað 2024.
Bjarg, Bakkafirði
Stærð: 115 fermetrar
Byggingarár: 1908
Verð: 24,9 milljónir
Endurbætt fjögurra svefnherbergja einbýlishús með 2,5 hektara landi sem býður upp á fjölbreytta nýtingarmöguleika. Húsið hefur verið notað sem gistiheimili síðustu fjögur sumur. Gæti hentað fyrir fjölskyldu, sem sumarhús eða áfram sem gistiheimili.
Krækishólar, Selfossi
Stærð: 22 fermetrar
Byggingarár: 2023
Verð: 21,9 milljónir
Yngsta húsið á listanum. Gestahús á 6.951 fermetra eignarlóð í rúmlega 15 mínútna akstri frá Selfossi þar sem á að verða íbúðahverfi. Búið er að tengja kalt vatn og rafmagn. Leyfilegt er að byggja allt að 340 fermetra á lóðinni.
Boðagerði, Kópasker
Stærð: 113 fermetrar
Byggingarár: 1977
Verð: 24,9 milljónir
Vel staðsett við sjávarsíðuna á Kópaskeri. Eignin skiptist í forstofu, stofu, eldhús, þrjú svefnherbergi, baðherbergi, þvottahús og geymsluskúr í garði. Þakið var endurbætt 2003.
Tjarnarholt, Raufarhöfn
Stærð: 132 fermetrar
Byggingarár: 1976
Verð: 27 milljónir
Húsið var byggt 1976 og telur 109,9 fermetra að viðbættum 22,4 fermetrum, var allt endurnýjað innanvert fyrir einum 8 árum, gólfefni, innréttingar og innihurðar. Fyrir tveimur árum var húsið klætt að utan.
