Victoria Beckham deilir leyndarmálum svefnherbergisins hjá sér og eiginmanninum David og hvers vegna hann þarf að „sofa með annað augað opið“ að hennar sögn í viðtali við Sun um nýja heimildarþáttaröð Netflix, Victoria.
Victoria segir eina óæskilega eiginleikann sem David hefur í svefnherberginu vera að hann hrýtur.
„Já, hann er greinilega ótrúlega myndarlegur, mjög klár, mjög farsæll. Og hann er líka fyndinn,“ sagði hún um eiginmann sinn til 26 ára. „En málið er þetta: hann hrýtur,“ bætti hún við. Victoria sagði að hún tækist á við hroturnar með því að nota eyrnatappa.
„Ég nota ekki eyrnatappa bara til gamans,“ sagði hún kaldhæðnislega. „Af hverju heldurðu að ég noti þá, það er ekki eitthver tískustíll í rúminu. David gæti litið svona út, en ég er með fréttir, maðurinn minn hrýtur. Ég verð að nota eyrnatappa.“
Fjögurra barna móðirin ræddi um aðrar svefnherbergisathafnir sínar, sem fela í sér að nota LED-grímu, hlusta á hlaðvörp með eiginmanninum eða horfa á sjónvarpsþætti saman einstaka sinnum.
Hún deildi líka á gamansaman hátt hvers vegna David þarf að hafa varann á.
„Og auðvitað les ég margar spennusögur í rúminu svo, þú veist, David, hann ætti að sofa með annað augað opið …“ grínaðist hún.
David studdi eiginkonu sína á frumsýningu þáttaraðarinnar í London á miðvikudag. Þrjú börn þeirra voru viðstödd, Romeo, 23 ára, Cruz, 20 ára, og Harper, 14 ára. Elsti sonurin, Brooklyn, 26 ára, lét ekki sjá sig, en hann og foreldrar hans eiga í deilum sem tengjast eiginkonu hans, Nicola Peltz, 30 ára.
Engu að síður hrósaði Victoria Brooklyn í ræðu sinni á frumsýningunni.
„Börnin mín: Brooklyn, Romeo, Cruz, Harper og David, ó, guð minn góður, hann er ekki barn!“ sagði hún gáskafull áður en hún bætti við: „Mér gekk svo vel án skrifaðrar ræðu! Það hefur tekið þetta ferli að vera virkilega stolt af því sem ég hef áorkað og að átta mig loksins á því að ég er nóg,“ hélt hún áfram. „Þakka þér fyrir að sannfæra mig og svo neyða mig, að gefa mér ekkert val, David.“
Brooklyn birtist einnig stuttlega í þáttaröð móður sinnar, þar sem hann og eiginkona hans mæta á tískusýningu Victoriu vor/sumar 2025 í París í september 2024, eitt af síðustu skiptunum sem hann var ljósmyndaður með fjölskyldu sinni áður en deilurnar hófust.
