Sænskar stórstjörnur, persónulegar skuldbindingar og augnablik sem breytir öllu. Þetta er meðal þess sem áhorfendur mega búast við í Limbo, nýrri dramaseríu á Viaplay sem byggð er á raunverulegum atburðum úr lífi aðalleikkonunnar Rakel Wärmländer samkvæmt frétt frá Viaplay.

Síminn hringir um miðja nótt og það versta sem hefði getað gerst, gerðist. Synir Ebbu (Rakel Wärmländer), My (Sfia Helin) og Gloriu (Louise Peterhoff) höfðu fengið lánaðan bíl í óleyfi og lent í alvarlegu bílslysi. Þeir slasast allir alvarlega, en sonur Ebbu, Jakob, verður verst úti og lendir í lífshættu. Atburðirnir reyna verulega á samband vinkvennanna og fjölskyldan þeirra, því á meðan Jakob er milli heims og helju eru konurnar þrjár fastar í limbói.

Þáttaröðin byggir á raunverulegum atburðum úr lífi Rakelar Wärmlander og fjallar um það hvernig sambönd fólks breytast þegar það fer saman í gegnum djúpa dali og hæstu hæðir.

„Þættirnir sjálfir eru skáldskapur, en slysið er raunverulegt. Alveg síðan ég varð foreldri hef ég hugsað um hvernig ég myndi bregðast við ef eitthvað þessu líkt kæmi fyrir mig,“ segir Rakel.

Vinátta, móðurhlutverkið og sambönd eru rauður þráður í gegnum alla þáttaröðina. Allar söguhetjurnar glíma við sín eigin vandamál, sem ýmist vaxa eða minnka í kjölfar bílslyssins.

Limbo verður frumsýnt 12. febrúar, aðeins á Viaplay. Allir sex þættirnir, 45 mínútur hver, verða gerðir aðgengilegir samtímis.