Jón Boði Björnsson, níræður afi Birgittu Lífar Björnsdóttur mætti að sjálfsögðu í opnunarteiti skemmtistaðar hennar, Bankastræti Club, í gærkvöldi. Hann lét vel um sig fara og sat við eitt flöskuborð staðarins. Jón starfaði áður sem matreiðslumaður og bryti auk þess sem að hann er þekktur fyrir hæfileika sína á dansgólfinu. Hann hefur því eflaust getað gefið barnabarni sínu góð ráð þegar hún stígur sín fyrstu skref í veitinga- og skemmtanabransanum.

„Fyrsti maður á svæðið en ekki hvað,“ skrifaði Birgitta Líf og birti mynd af sér og Jóni Boða afa sínum.

„Afi verður 90 ára í desember. Ég vona að ég verði líka á flöskuborði á Bankastræti club þegar ég verð níræð.“

Sjá einnig: Mikið um dýrðir við opnun Bankastræti Club: LXS-dívurnar klæddust kjólum frá Yeoman og tóku sömu pósurnar

Staðurinn var fullur af áhrifavöldum og þekktum Íslendingum. Meðal gesta voru söngkonan Svala Björgvins, athafnakonan og áhrifavaldurinn Lína Birgitta Sigurðardóttir, tónlistarkonan Saga B, dansararnir Tara Sif Birgis og Sandra Helgadóttir og snyrtifræðingurinn og áhrifavaldurinn Gurrý Jónsdóttir.

LXS-gengið var að sjálfsögðu á sínum stað. Leikkonan Donna Cruz, sem er nýlega einleyp, áhrifavaldurinn Magnea Björg og förðunarfræðingurinn Lilja Gísladóttir.

Raunveruleikastjörnurnar Patrekur Jaime, Binni Glee og Bassi Maraj, létu sig ekki vanta. Bassi verður 23 ára í september og Binni 22 ára í sama mánuði.  En Patrekur varð 21 árs í mars síðastliðnum. Kappinn fékk því undanþágu frá reglunum.