fbpx
Mánudagur 06.febrúar 2023
Fókus

Samvera með fjölskyldunni um jólin – Hugmyndir fyrir samverudagatal

Guðrún Ósk Guðjónsdóttir
Sunnudaginn 22. nóvember 2020 12:20

Nú er tíminn til að njóta saman. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Mikil óvissa ríkir um desembermánuð vegna samkomutakmarkana og kórónuveirufaraldursins. Er ekki tilvalið að nýta tímann með fjölskyldunni til hins ýtrasta og njóta samverunnar í desember?

Samverudagatöl eru sniðug leið til að verja meiri tíma með börnunum og gera eitthvað skemmtilegt í leiðinni. Einnig góð leið til að tempra æsinginn sem byggist upp í börnunum með hverjum deginum sem líður nær jólum.

Við tókum saman nokkrar hugmyndir að samveru sem er hægt að eiga með fjölskyldunni á tímum COVID. Þetta þarf ekki að vera flókið eða kosta mikið, það þarf bara að vera samvera.

Skipulag

Það er hægt að hafa dagatalið rafrænt, en við mælum með að henda nokkrum límmiðum á blað og föndra dagatalið. Börn gera ekki himinháar kröfur um útlit svo þú getur ekki klikkað.

Það er sniðugt að skipuleggja þetta þannig að það sem er einfaldast og tekur skemmstan tíma sé á virkum dögum eða á dögum þar sem þú veist að mikið verður að gera, eins og að búa til snjókarl, fara í gönguferð eða lita jólamyndir.

Svo er hægt að sameina ýmislegt, eins og að fara í náttfataísbíltúr og horfa svo á jólamynd, eða skreyta saman og kveikja svo á kertum og lesa bók saman.

Þú getur búið til samverudagtalið og föndrað ýmislegt. Mynd/Pinterest

Dýrmætar fjölskyldustundir

Gistipartí

Hugmyndin er fengin frá móður í Facebook-hópnum Mæðra Tips. Hún og fjölskylda hennar gistu öll saman í stofunni eitt kvöldið. Það er tilvalið að blása upp vindsængur eða fara með dýnur, sængur og kodda fram í stofu, horfa á jólamynd og vera þar yfir nótt. Af öllu í samverudagatalinu þennan desembermánuð segir móðirin að gistipartíið hafi staðið upp úr hjá börnunum.

Leiksýning

Nú þegar ekki er hlaupið í leikhús eða á jólasýningar er tilvalið að halda sýningu heima. Það fer eftir aldri barnanna hvaða leikrit eða saga er valin.

Foreldri getur hjálpað til við að búa til búninga, æfa leikritið og þess háttar. Svo er hægt að halda sýninguna fyrir framan foreldra en einnig fyrir ömmur og afa, frænkur og frænda og vini í gegnum fjarfundabúnað.

Skemmtilegt að skreyta saman. Mynd/Getty

Skreyta piparkökuhús

Undanfarin ár hefur verið hægt að kaupa tilbúin piparkökuhús í IKEA, eina sem þú þarft að gera er að setja það saman. Svo er hægt að búa til eða kaupa tilbúinn glassúr, eitthvað nammi og skraut og öll fjölskyldan getur dúllað sér við þetta eina kvöldstund.

Njótið saman um jólin. Mynd/Getty

Fleiri hugmyndir fyrir samverudagatal

Kostar ekki neitt

  • Búa til snjókarl
  • Horfa á jólamynd
  • Skreyta jólatréð
  • Lita jólamyndir/perla jólamyndir
  • Fara í bíltúr og skoða jólaljós og skreytingar
  • Spila saman
  • Kveikja á kertum, fara öll undir teppi og lesa saman bók
  • Skreyta saman
  • Leika í snjónum
  • Gönguferð í myrkrinu með vasaljós
Mynd/Getty

Kostar lítið

  • Baka piparkökur
  • Fara í göngutúr og fá svo heitt kakó
  • Baka smákökur
  • Föndra jólaskraut
  • Velja hvað er í kvöldmatinn og hjálpa til við að elda

Kostar meira

  • Kaupa jólatré
  • Náttfataísbíltúr
  • Pítsupartí: Það er hægt að útfæra pítsupartí á nokkra vegu. Það er hægt að kaupa tilbúnar pítsur, en það er lítil samvera í því. Það er hægt að kaupa tilbúinn pítsubotn, búa til pítsubotn eða nota tortillakökur sem pítsubotn. Svo er sniðugt að setja rifinn ost, álegg og grænmeti á borð og allir geta sett á sínar pítsur sjálfir. Skemmtileg samvera þó hún verði aðeins sóðalegri svona.
Málaðu eins og Bob Ross.

Fyrir pör eða fjölskyldur með eldri börn

Málaðu eins og Bob Ross

Þessi samvera er örugglega sú dýrasta á listanum. Kaupa þarf striga og málningu, svo bara fara á YouTube og leita að „Bob Ross tutorial“ og þá finnurðu fjölda myndbanda þar sem listamaðurinn Bob Ross leiðbeinir þér í rólegheitum með silkimjúkri rödd sinni um hvernig þú málar flott málverk frá a til ö. Hann er meira að segja með nokkur myndbönd með jólaþema.

Tilvalið fyrir pör til að gera eina kvöldstund og opna rauðvínsflösku með. Líka skemmtilegt fyrir fjölskyldur með eldri börn.

Það er hægt að gera þetta að keppni, í lokin verður flottasta málverkið valið og verðlaun fyrir sigurvegarann. Þú þarft ekki að spreða og kaupa rándýran striga og málningu, þú getur til dæmis farið í Søstrene Grene, Verkfæralagerinn, föndurbúðir eða aðrar verslanir sem selja ódýrar málningarvörur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Ævintýraleg samgöngusaga Norður Kóreu – Stærsti bílaþjófnaður sögunnar, heimsins versta flugfélag og kynþokkafyllsta umferðastjórnunin

Ævintýraleg samgöngusaga Norður Kóreu – Stærsti bílaþjófnaður sögunnar, heimsins versta flugfélag og kynþokkafyllsta umferðastjórnunin
Fókus
Fyrir 2 dögum

Aldís Gló málar það sem aldrei mátti ræða eftir gosið í Eyjum – „Það var litið á þennan hóp sem þurfalinga, flóttamenn á matarmiðum frá hinu opinbera“

Aldís Gló málar það sem aldrei mátti ræða eftir gosið í Eyjum – „Það var litið á þennan hóp sem þurfalinga, flóttamenn á matarmiðum frá hinu opinbera“
Fókus
Fyrir 2 dögum

Madonna tæklar vinsælasta dansinnn á netinu í dag – Er stríðsöxin grafin?

Madonna tæklar vinsælasta dansinnn á netinu í dag – Er stríðsöxin grafin?
Fókus
Fyrir 2 dögum

Breskur gæðaleikari bætist í hóp Íslandsvina – Heillaður af náttúru landsins

Breskur gæðaleikari bætist í hóp Íslandsvina – Heillaður af náttúru landsins
Fókus
Fyrir 3 dögum

Ingó Veðurguð gefur út nýtt lag

Ingó Veðurguð gefur út nýtt lag
Fókus
Fyrir 3 dögum

Birgitta Líf og Enok bruna niður brekkurnar í ítölsku Ölpunum

Birgitta Líf og Enok bruna niður brekkurnar í ítölsku Ölpunum
Fókus
Fyrir 3 dögum

Heiðar og Kolfinna kaupa fasteign í Kópavogi

Heiðar og Kolfinna kaupa fasteign í Kópavogi
Fókus
Fyrir 3 dögum

Akureyringar skóla borgarstjórn Reykjavíkur til í snjómokstri

Akureyringar skóla borgarstjórn Reykjavíkur til í snjómokstri