fbpx
Sunnudagur 21.apríl 2019

DV - Frjáls og óháður miðill

Fókus

Biggi lögga skammar RÚV – „Krakkar gráta og eru svekktir“

Ragna Gestsdóttir
Þriðjudaginn 4. desember 2018 08:40

Birgir Örn Guðjónsson

Ekki missa af Helstu tíðindum dagsins í pósthólfið þitt

Lesa nánar

Fyrir þremur árum var mikil óánægja á mörgum heimilum með að RÚV sýndi danskt jóladagatal fyrir börnin. Þjóðþekktir einstaklingar (og aðrir) létu ónægju sína í ljós á samfélagsmiðlum og svo fór að RÚV sá að sér.
Í ár sá RÚV sér leik á borði og fór í geymsluna og dustaði rykið af 20 ára gömlu jóladagatali Gunna og Felix og ber það á borð fyrir börnin í desember.
Þannig að nú þremur árum seinna er staðan önnur, en samt sama bara öðruvísi, efnið er íslenskt og endurnýtt. Birgir Örn Guðjónsson, Biggi lögga tjáði sig um dagatalið í stöðufærslu á Facebook í gær þar sem að hann skorar á RÚV að sækja eitthvað skemmtilegt jóladagatal í fullri lengd á íslensku og sýna börnunum. Það er spurning hvort að Biggi (og RÚV) sé þó of seinn að bjarga jólunum í þetta sinn, en það er þá alltaf næsta ár.

Biggi skrifaði færslu um þetta á Facebook í gærkvöldi en færsluna má lesa hér að neðan:


En að öðru. Ég bara verð að skamma RUV. Krakkanna vegna. Fyrir nokkrum árum skammaði ég og fleiri Ríkissjónvarpið vegna nákvæmlega sama máls og þá sáu þau að sér. Ég vona svo sannarlega að þau geri það líka núna. Málið snýst um jóladagatalið.
Jóladagatalið er partur af aðventunni á mörgum heimilum landsins og við vitum öll að margir krakkar hlakka mikið til að eiga þessa daglegu stundi fyrir framan sjónvarpið fram að jólum. Þetta árið ákvað Ríkissjónvarpið að sækja yfir tuttugu ára gamalt jóladagatal með Gunna og Felix og dusta af því þykkt lag af ryki. Gunni og Felix eru auðvitað snillingar en þetta eru gömul, og það sem verra er, örstutt innslög. Upp úr átta á kvöldin eru síðan danskir þættir sem eiga víst að flokkast sem jóladagatal en virðast við fyrstu sýn óskup dökkir og þungir, sérstaklega fyrir yngri krakkana. Það hefur mikið verið rætt um mikilvægi þess að varðveita íslenskuna okkar og þarna á Ríkissjónvarpið að sjálfsögðu að nota tækifærið og bjóða upp á gott talsett efni þar sem vitað er að það fær mikið áhorf.
Ég hef heyrt að viðbrögðin á sumum heimilum voru þau sömu og um árið þegar þessi mistök voru síðast gerð. Krakkar grétu vegna þess að þeir voru svo svekktir. Vel gert RÚV, vel gert! Nú vil ég skora á ykkur sem stjórnið dagskránni að gleðja öll þessi börn með því að ná í eitthvað skemmtilegt jóladagatal með íslensku tali í fullri lengd og skella því í sýningu fram að jólum. Jól í Snædal og Snæholt vöktu til dæmis mikla lukku og það væri skömminni skárra og í raun bara ljómandi fínt að fá annaðhvort þeirra bara aftur á skjáinn. Þið mynduð gleðja mörg hjörtu.
Ef það eru fleiri foreldrar sammála þá megið þið endilega koma skilaboðunum áfram. Þetta er nú einu sinni Ríkissjónvarpið okkar allra og jólin eru tími barnanna.
Áfram börn og íslensk tunga og áfram RÚV!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

18 ára íslenskur drengur skotinn til bana í skotgröfum

18 ára íslenskur drengur skotinn til bana í skotgröfum
Fyrir 2 dögum

KGB vildi eyðileggja leiðtogafundinn í Höfða

KGB vildi eyðileggja leiðtogafundinn í Höfða
Fókus
Fyrir 3 dögum

Ísraelskar konur halda vart vatni yfir Matthíasi: „Hættu að vera svona sætur og heitur á sama tíma“

Ísraelskar konur halda vart vatni yfir Matthíasi: „Hættu að vera svona sætur og heitur á sama tíma“
Fókus
Fyrir 3 dögum

Leoncie segir Jimmy Fallon hafa boðið sér í þáttinn – Vildi sex stafa tölu fyrir: „Ég er ekki ódýr“

Leoncie segir Jimmy Fallon hafa boðið sér í þáttinn – Vildi sex stafa tölu fyrir: „Ég er ekki ódýr“
Fókus
Fyrir 4 dögum

Kristín í hópi með Rachel Weisz og Daniel Craig: Barnsfæðing og frumsýning í fullum undirbúningi

Kristín í hópi með Rachel Weisz og Daniel Craig: Barnsfæðing og frumsýning í fullum undirbúningi
Fókus
Fyrir 4 dögum

Þetta er ástæðan fyrir því að þú átt ekki að senda skilaboð á fyrrverandi: „Sögurnar segja að þú hafir gefið mér klamidíu“

Þetta er ástæðan fyrir því að þú átt ekki að senda skilaboð á fyrrverandi: „Sögurnar segja að þú hafir gefið mér klamidíu“
Fókus
Fyrir 4 dögum

Axel er maðurinn sem lætur þig líta vel út á samfélagsmiðlum – Meira að segja á Tinder: „Maður þarf að hjálpa öllum“

Axel er maðurinn sem lætur þig líta vel út á samfélagsmiðlum – Meira að segja á Tinder: „Maður þarf að hjálpa öllum“
Fókus
Fyrir 4 dögum

Margrét Friðriksdóttir: „Ég er orðin svo hrædd“

Margrét Friðriksdóttir: „Ég er orðin svo hrædd“