fbpx
Þriðjudagur 19.mars 2019

DV - Frjáls og óháður miðill

Fókus

Sara Barðdal – „Af hverju flestir ná EKKI að breyta um lífsstíl“

Sara Barðdal Þórisdóttir
Mánudaginn 22. október 2018 17:00

Ekki missa af Helstu tíðindum dagsins í pósthólfið þitt

Lesa nánar

Sara Barðdal Þórisdóttir er ÍAK einkaþjálfari, heilsumarkþjálfi og stofnandi hiitfit.is. Hún hjálpar konum að verða heilsuhraustari og hamingjusamari í gegnum námskeið og þjálfanir á vegum hiitfit.is 

Af hverju ná flestir EKKI markmiðunum sínum?

Af hverju setja sér allir áramótaheit um að ætla sér loksins að komast í „besta form lífs síns“ og enda síðan á andlitinu í byrjun febrúar? 

Það er ekkert eitt svar við því, engin ein töfralausn. EN það eru nokkrir hlutir sem við getum gert til þess að auka líkur á árangri, til þess að minnka áhættuna á að detta ofan í holu hindrana og komast ekki upp aftur.

Í dag langar mig að deila fjórum þeirra með þér í þeirri von að þú vandir betur markmiðasetninguna þína og hafir þetta í huga næst þegar þú ætlar að ráðast í nýtt verkefni eða gera tilraun til að breyta venjum, þá sérstaklega varðandi heilsuna.

1.Þú tengist þeim ekki nægilega og setur ekki í efstu forgangsröð

Eitt stórt atriði sem stoppar flesta við að ná markmiðunum sínum er að fólk tengist þeim ekki nógu miklum tilfinningalegum böndum. Þetta verður aldrei eitthvað sem það „verður að ná“ heldur er alltaf í flokknum „þetta væri næz“ eða „það væri nú gaman ef þetta mundi gerast.“

Sérðu muninn?

Á meðan þú notar orðalag eins og „ég ætla reyna“ eða kannski gæti þetta gerst“ ertu því miður að halda þér fastri á sama stað. Því það er svo auðvelt að gefast upp við fyrsta hliðarskref varðandi markmið sem þú hefur ekki tengst, og segir þá við sjálfan þig. „Nú jæja, ég reyndi að minnsta kosti.“

En þegar þú hefur tekið þessa innri ákvörðun um að þú ætlir eitthvað, og að það skuli gerast! Þá bakkar maður ekki við fyrstu hindrun sem kemur upp, því þær munu koma, það er eitt fyrir víst.

Segðu frekar við sjálfan þig „þú ætlir” og að „þú munir,“ þessi litla breyting á orðalagi og hvernig þú talar um markmiðin þín munu skipta sköpun.

2.Þú missir einbeitinguna og gleymir þér í rútínunni þinni

Annað atriði er að fólk missir fókus á “af hverju“ það byrjaði á ferðalaginu og af hverju þau vilja ná markmiðinu sínu. Hugurinn okkar er mjög auðveldlega afvegaleiddur, við erum fljót að missa einbeitingu, gleyma og byrja að elta næsta glansandi hlut. Það er upp á okkur komið að vera stöðugt að minna okkur á markmiðin okkar og af hverju við viljum ná þeim. Annars tekur gamall vani yfir og þú ert fljótt farin af nýju brautinni sem þú varst svo ákveðin í að fara í upphafi.

Skrifaðu þau á stað þar sem þú sérð þau daglega, settu þau upp myndrænt, í dagbókina þína eða á spegilinn. Hvað sem hentar þér best og virkar fyrir þig sem áminning.

 

 

  1. Þú hefur ekki trú á sjálfan þig

Margir eru á þeim stað í dag að þeir hafa ekki trú á að þeir munu nokkurn tíma ná markmiðunum sínum yfir höfuð. Þú hefur kannski sett þér markmið og klúðrað því svo oft að þú ert meðvitað eða ómeðvitað byrjuð að segja við sjálfan þig að „þú getir þetta ekki,“ „af hverju að reyna, ég klúðra öllu hvort eð er.“

Þarna erum við komin í slæman vítahring, fyrri tilraunir hafa mistekist og því eru framtíðar tilraunir dæmdar til að gera það sama, þar sem viðkomandi hefur misst alla trú á sjálfan sig um að vera fær um breytingar.

Ef þú ert á þeim stað þá hvet ég þig til þess að hugsa „af hverju ekki ég?”, „af hverju get ég ekki breyst eins og aðrir?”

Því það eru ótal mörg dæmi um fólk sem hefur náð fram varanlegum breytingum varðandi heilbrigðan lífsstíl, ég sjálf meðtalin, og endalaust af konum sem hafa verið í þjálfun, sem eru lifandi dæmi um að þetta er mögulegt! Sama hversu margar misheppnaðar tilraunir hafa verið gerðar í fortíðinni.

4. Fólk setur einungis markmið varðandi útlit

Þarna klikka margir! Því það er alls ekki nóg að setja aðeins markmið um kg. tölu eða six pack. Jú það getur hjálpað þér til að byrja með, en þegar erfiðu dagarnir koma upp og þig langar til þess að hætta, þá er það EKKI draumurinn um six packinn sem heldur þér á réttu brautinni.

Þú þarft að vilja eitthvað meira, betri lífsgæði, meiri orku, meira jafnvægi, betri heilsu, minni líkur á sjúkdómum, meiri styrk (innri og ytri), að vera góð fyrirmynd fyrir börnin þín, vera glaðari í daglegu lífi og svo framvegis.

Þú þarft að finna hvað það er fyrir þig og hafa það ofarlega í huga, því einungis kg tölur munu ekki vera nóg til þess að halda hvatningunni gangandi til lengri tíma.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

María og Ingileif opna sig: „Mælikvarðinn á það að vera gott foreldri snýst ekki um að það séu bæði karl og kona á heimilinu”

María og Ingileif opna sig: „Mælikvarðinn á það að vera gott foreldri snýst ekki um að það séu bæði karl og kona á heimilinu”
Fókus
Fyrir 2 dögum

Ingileif og María vilja útrýma fordómum gegn samkynhneigðum foreldrum – Ræða opinskátt um meðgönguna

Ingileif og María vilja útrýma fordómum gegn samkynhneigðum foreldrum – Ræða opinskátt um meðgönguna
Fókus
Fyrir 2 dögum

Jóhann hefur myndað akstursíþróttir í áratugi

Jóhann hefur myndað akstursíþróttir í áratugi
Fókus
Fyrir 2 dögum

Frægir Íslendingar á fermingardaginn

Frægir Íslendingar á fermingardaginn
Fókus
Fyrir 3 dögum

Yfirheyrslan – Sigurður Þ. Ragnarsson: „Ég get orðið fjári reiður ef mér misbýður“

Yfirheyrslan – Sigurður Þ. Ragnarsson: „Ég get orðið fjári reiður ef mér misbýður“
Fókus
Fyrir 3 dögum

5 sem hefðu getað tekið við sem dómsmálaráðherra

5 sem hefðu getað tekið við sem dómsmálaráðherra
Fókus
Fyrir 4 dögum

Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“

Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“
Fókus
Fyrir 4 dögum

Fókus býður í bíó – Þorir þú á eina umtöluðustu hrollvekju ársins?

Fókus býður í bíó – Þorir þú á eina umtöluðustu hrollvekju ársins?