fbpx
Mánudagur 15.apríl 2024
Eyjan

Orðið á götunni: Mogginn reynir að hjálpa nývöknuðum forstjóra Bankasýslunnar

Eyjan
Föstudaginn 29. mars 2024 09:00

Ekki missa af Helstu tíðindum dagsins í pósthólfið þitt

Lesa nánar

Orðið á götunni er að menn furði sig nokkuð á tilburðum Morgunblaðsins til að reyna að hjálpa forstjóra Bankasýslunnar við að freista þess að hysja upp um sig eftir að hafa sofið á verðinum vegna kaupa Landsbankans á TM.

Fyrir tveimur árum tilkynnti ríkisstjórnin að Bankasýslan yrði lögð niður. Það hefur ekki enn komið til framkvæmda og áfram situr Jón Gunnar Jónsson í sínum stól á forstjóralaunum því ríkisstjórnin getur ekki komið sér saman um hvað tekur við þegar búið verður að skella þarna í lás. Bankasýslunni er ætlað það hlutverk að tryggja svokallaða „armslengd“ ráðherra frá fyrirtækjum sem ríkið á eignarhluti í.

Jón Gunnar hefur það hlutverk að líta eftir tveimur hlutabréfum í eigu ríkisins. Annað þeirra er hlutur í Landsbankanum. Hann virðist hafa sofið á verðinum og kom af fjöllum þegar bankinn hafði gert bindandi tilboð í tryggingafélagið TM. Þegar hann hrökk upp við þessi tíðindi hófst innihaldslítið orðaskak sem þó sýndi að Bankasýslan hafði haft öll færi á að fylgjast með framvindu málsins.

Bregst þá Morgunblaðið við og býður keppinaut sínum af Vísi, Herði Ægissyni, að koma í viðtalsþáttinn Dagmál til að freista þess að verja gerðir – eða kannski öllu heldur aðgerðaleysi – forstjóra Bankasýslunnar. Þar heldur Hörður uppi skrýtnum málflutningi og reynir m.a. að gera hagsmunaskrá bankaráðsmanna í Landsbankanum að einhverju aðalatriði, hvort einhver þeirra hafi átt hlutabréf í Kviku. Var Bankasýslan virkilega ekki búin að kanna það sjálf?

Hörður Ægisson mátti á sínum tíma þola harða gagnrýni sem viðskiptablaðamaður fyrir að eiga hlutabréf í tíu skráðum hlutafélögum – sem hann fjallaði jafnt og þétt um sem „hlutlaus og faglegur“ blaðamaður!

Þá fannst engin hagsmunaskrá.

Orðið á götunni er að vinir Jóns Gunnars Jónssonar, þeir Hörður og Stefán Einar Stefánsson, umsjónarmaður Dagmála á Morgunblaðinu, reyni nú af veikum mætti að hjálpa þessum forstjóra í neyð.

Þegar Hörður Ægisson gekk í hjónaband árið 2022, þegar alræmt útboð hlutafjár ríkisins í Íslandsbanka var í hámæli, var Stefán Einar veislustjóri í miklum fögnuði í brúðkaupsveislunni, sem haldin var einum af sölum Hörpu. Misgóðar ræður voru fluttar eins og gengur. Orðið á götunni er að ræða forstjóra Bankasýslunnar hafi verið besta ræða kvöldsins. Jón Gunnar fór á kostum og endaði mál sitt svona: Lifi spillingin!

Orðið á götunni er að traustur vinur geti gert kraftaverk.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Breskur þingmaður lenti í „hunangsgildru“ – Síðan gerði hann svolítið enn verra

Breskur þingmaður lenti í „hunangsgildru“ – Síðan gerði hann svolítið enn verra
Eyjan
Fyrir 2 dögum

Rífandi gangur í stærsta hagkerfi heims

Rífandi gangur í stærsta hagkerfi heims
Eyjan
Fyrir 3 dögum

Innmúraðir sjálfstæðismenn ósáttir við undirskriftalistann gegn Bjarna – „Stafrænt stríð“

Innmúraðir sjálfstæðismenn ósáttir við undirskriftalistann gegn Bjarna – „Stafrænt stríð“
Eyjan
Fyrir 3 dögum

Orðið á götunni: „Samstaðan í ríkisstjórninni“ – sjálfstæðismenn og Framsókn reyndu allt til að losna við VG

Orðið á götunni: „Samstaðan í ríkisstjórninni“ – sjálfstæðismenn og Framsókn reyndu allt til að losna við VG
Eyjan
Fyrir 4 dögum

Ole Anton Bieltvedt skrifar: Hvað má segja um helztu kandídata til forsetakjörs?

Ole Anton Bieltvedt skrifar: Hvað má segja um helztu kandídata til forsetakjörs?
Eyjan
Fyrir 4 dögum

Svanhildur Konráðsdóttir: Harpa ekki musteri með háa þröskulda – skemmtilegast þegar fólk kemur í fyrsta sinn í húsið

Svanhildur Konráðsdóttir: Harpa ekki musteri með háa þröskulda – skemmtilegast þegar fólk kemur í fyrsta sinn í húsið
Eyjan
Fyrir 4 dögum

Alvarleg staða franskra ríkisfjármála

Alvarleg staða franskra ríkisfjármála
Eyjan
Fyrir 5 dögum

Ríkisstjórn Bjarna Benediktssonar tekin við völdum – Það helsta

Ríkisstjórn Bjarna Benediktssonar tekin við völdum – Það helsta